কাৰবি আংলং জিলাৰ অসম-নাগালেণ্ড সীমান্তত খটখটি আৰু লাহৰিজান অঞ্চলত একেদিনাই দুটাকৈ মৃতদেহ উদ্ধাৰ(Dead bodies Recovered )হোৱাকলৈ সমগ্ৰ অঞ্চলজুৰি চাঞ্চল্যই সৃষ্টি কৰিছে ৷ প্ৰাপ্ত খবৰ অনুসৰি খটখটি আৰক্ষী থানাৰ অন্তৰ্গত লাহৰিজান নিৰ্মল কুমাৰ চাহ বাগিচাৰ মাজত পৰিত্যক্ত অৱস্থাত এজন লোকৰ মৃতদেহ উদ্ধাৰ হয় ৷
মৃতদেহটো বয়স অনুমানিক ৩০ বছৰ হোৱাৰ বিপৰীতে খটখটি আৰক্ষী থানাৰ অন্তৰ্গত গান্ধী গেৰেজৰ সমীপৰ পথাৰৰ মাজত পৰি থকা অৱস্থাত খটখটি আৰক্ষীয়ে পুনৰ এজন লোকৰ মৃতদেহ উদ্ধাৰ কৰে ৷খটখটি আৰক্ষীয়ে মৃতদেহ দুয়োটা উদ্ধাৰ কৰি মৰণোত্তৰ পৰীক্ষাৰ বাবে আজি ডিফুলৈ প্ৰেৰণ কৰিছে বুলি জানিব পৰা গৈছে ৷
আজি খটখটি আৰক্ষীয়ে উদ্ধাৰ কৰা এটা মৃতদেহ খটখটি অঞ্চলৰ টিলা বস্তিৰ বোৰহান আলি বুলি চিনাক্ত কৰা হৈছে আনহাতে লাহৰিজান নিৰ্মল কুমাৰ চাহ বাগিচাত উদ্ধাৰ হোৱা মৃতদেহটোৰ বৰ্তমানেও লোকজনৰ পৰিচয় উলিয়াবলৈ সক্ষম হোৱা নাই খটখটি আৰক্ষীয়ে ৷ আৰক্ষীয়ে মৃতদেহটো দণ্ডাধীশৰ হতুৱাই চুৰৎহাল কৰাৰ পিছত ডিএমচিএইছত মৰণোত্তৰ পৰীক্ষাৰ পিছত চিনাক্তকৰণৰ বাবে ৭২ ঘণ্টা সময় ডিএমচি এইছৰ মৰ্গত সংৰক্ষণ কৰি ৰখা হৈছে বুলি জানিব পৰা গৈছে ৷
