ASSAM TIMES POST
নতুন দিল্লীঃ এতিয়াৰেপৰা সংসদৰ কেন্টিনত প্ৰকৃত মূল্যত আহাৰ গ্ৰহণ কৰাৰ সিদ্ধান্ত গ্ৰহণ কৰিছে দেশৰ সকলো দলৰ সাংসদসকলে। শেহতীয়াভাৱে এই সন্দৰ্ভত হোৱা আলোচনাত দল নিৰ্বিশেষে সকলো সাংসদে পূৰ্বে ৰেহাই মূল্যত লাভ কৰি অহা খাদ্য অনাগত দিনসমূহত প্ৰকৃত মূল্য দি খাব বুলি সিদ্ধান্ত গ্ৰহণ কৰে।
উল্লেখযোগ্য যে সংসদৰ কেন্টিনত ৰেহাই মূল্যত খাদ্য লাভৰ প্ৰথাটো সলনি কৰি প্ৰকৃত মূল্যত খাদ্য গ্ৰহণ কৰিবলৈ পৰামৰ্শ আগবঢ়াইছিল লোকসভাৰ অধ্যক্ষ ওম বিৰলাই। অধ্যক্ষজনৰ এই পৰামৰ্শৰ প্ৰতি সঁহাৰি জনায়েই সাংসদসকলে এনে সিদ্ধান্ত লয়।
জানিবপৰা মতে লোকসভাৰ বিজনেছ এডভাইচৰী কমিটিৰ বৈঠকত সকলো দলৰ প্ৰতিনিধিয়ে ইয়াৰ প্ৰতি সমৰ্থন জনায়। প্ৰসংগক্ৰমে, এনেদৰে প্ৰকৃত মূল্যত আহাৰ গ্ৰহণ কৰিলে বছৰি ১৭ কোটি টকা ৰাহি হ’ব।
