মহাকাশত আইফেল টাৱাৰৰ সমান উচ্চ আৰু বৃহৎ এটা বিশাল গ্ৰহাণুৱে অহা সপ্তাহত পৃথিৱীক অতিক্ৰম কৰিব।অৱশ্যে বিজ্ঞানীসকলে কয় যে ই পৃথিৱীৰ বাসিন্দাসকলৰ জীৱনত কোনো ধৰণৰ ব্যাঘাত জন্মাব নোৱাৰে। নাছা (NASA)ৰ তথ্য অনুসৰি, পৃথিৱীৰ আটাইতকৈ ওচৰৰ বস্তুটো হৈছে গ্ৰহাণু। জ্যোতিৰ্বিজ্ঞানীসকলৰ মতে, বিগত ১৭ বছৰত ২৬০টা পৰ্যবেক্ষণৰ জৰিয়তে জ্যোতিৰ্বিজ্ঞানীসকলে ২০০৬ চনৰ এইচ ভি ৫ নামেৰে নামকৰণ কৰা এই গ্ৰহাণুটোৰ (Asteroids) কক্ষপথ নিৰ্ণয় (Orbit Determination) কৰিবলৈ সক্ষম হৈছে আৰু ইয়াৰ অতীত, বৰ্তমান আৰু ভৱিষ্যতৰ অৱস্থান অতি নিখুঁতভাৱে গণনা কৰিবলৈ সক্ষম হৈছে।
জ্যোতিৰ্বিজ্ঞানীসকলৰ মতে, এই গ্ৰহাণুটোৱে ১৫ লাখ মাইল দূৰত্ব অতিক্ৰম কৰিব, যিটো চন্দ্ৰৰ পৰা পৃথিৱীলৈ প্ৰায় ৬.৩ গুণ দূৰত্ব। আমেৰিকান এষ্ট্ৰোনমিকেল ছ’চাইটিৰ সৈতে জড়িত ড০ চুছানা কোহলাৰৰ মতে গ্ৰহাণু ২০০৬ HV5 প্ৰথম আৱিষ্কাৰ হৈছিল ২০০৬ চনত। লিংকন নিয়াৰ-আৰ্থ এষ্ট্ৰেইড ৰিচাৰ্চ (LINEAR) প্ৰকল্পৰ অধীনত ইয়াক আৱিষ্কাৰ কৰা হৈছিল। এই গ্ৰহাণুটোৱে পৃথিৱীৰ মানুহৰ ওপৰত কোনো ক্ষতিকাৰক প্ৰভাৱ পেলাব নোৱাৰে। তেওঁ কয়, বছৰত এবাৰহে এই আকাৰৰ বা তাতকৈ ডাঙৰ গ্ৰহাণু বা শিল পৃথিৱীৰ ওচৰলৈ আহে। নাছাৰ চেণ্টাৰ ফৰ নিয়াৰ-আৰ্থ অবজেক্ট ষ্টাডিজে এই অভিগমনক ‘ৰেয়াৰ-২’ বুলি তালিকাভুক্ত কৰিছে।
