অৰুণাচল প্রদেশ (Arunachal Pradesh) চীনৰেই অবিচ্ছেদ্য অংশ (integral part of China)। সেয়ে এই অঞ্চলৰ নামকৰণ কৰাৰ অধিকাৰ আছে চীনৰ। এইবাৰ এই বিবৃতি দিলে চীনা বিদেশ মন্ত্ৰালয়ৰ (Chinese Ministry of Foreign Affairs) মুখপাত্র মাও নিঙে। উল্লেখযোগ্য যে দেওবাৰে অৰুণাচল প্রদেশৰ ১১টা অঞ্চলৰ নাম প্রকাশ কৰি বিবৃতি জাৰি কৰিছিল চীনৰ গৃহ মন্ত্ৰালয়ে। উক্ত আচৰণৰ তীব্র গৰিহণা দি প্ৰত্যাক্ৰমণ কৰে ভাৰতেও। তাৰ দুদিন পিছত পুনৰ এই বিষয়ত বিবৃতি প্রকাশ কৰিলে চীনে।
মঙলবাৰে ভাৰতে জনাইছিল অৰুণাচল প্রদেশ ভাৰতৰ অংশ। উক্ত অঞ্চলক লৈ চীনৰ এই আচৰণ প্রত্যাখ্যান কৰিছে ভাৰতে। তাৰ পিছতেই সংবাদমেল অনুষ্ঠিত কৰে চীনৰ বিদেশ মন্ত্ৰালয়ৰ মুখপাত্র মাও নিঙে। তাত তেওঁ স্পষ্টভাৱে জনাই দিয়ে, “জাংনান চীনৰেই অবিচ্ছেদ্য অংশ। সেয়ে প্রশাসনিক কামৰ সুবিধাৰ বাবে চীন চৰকাৰে কেইবাটাও অঞ্চলৰ নতুন নামকৰণ কৰিছে। সার্বভৌম ৰাষ্ট্র হিচাবে এই কাম কৰাৰ অধিকাৰ চীনৰ আছে।” উল্লেখ্য, অৰুণাচল প্রদেশক জাংনান বুলি উল্লেখ কৰে চীনে।
