অসম চৰকাৰে বিভিন্ন বিভাগৰ বাবে অনুষ্ঠিত কৰা মুঠ ৫১,৩৯৭টা পদৰ নিযুক্তি পৰীক্ষাৰ ফলাফল অহা ৬ মে’ত ঘোষণা কৰা হ’ব। দেওবাৰে ওদালগুৰিত অনুষ্ঠিত ৰাজ্যিক কেবিনেটত (Assam Cabinet) এই সিদ্ধান্ত গ্ৰহণ কৰা হয়।
উক্ত প্ৰায় ৫২ হাজাৰ পদৰ ভিতৰত আছে ৫,৭৩০ টা আৰক্ষী বিভাগৰ, ৫,৭৯৯ টা স্বাস্থ্য বিভাগৰ, ১২,২৪১ টা শিক্ষা বিভাগৰ, ১১,৩৪৬ টা তৃতীয় বৰ্গৰ আৰু ১৪,২৮১ টা চতুৰ্থ বৰ্গৰ পদৰ বাবে অনুষ্ঠিত নিযুক্তি পৰীক্ষা।
আনহাতে, ওদালগুৰি কেবিনেটত গৃহীত আন কেতবোৰ সিদ্ধান্ত হৈছে :
- চাহ জনগোষ্ঠী উন্নয়ন বিভাগক চাহ জনগোষ্ঠী আৰু আদিবাসী উন্নয়ন বিভাগ হিচাপে নামকৰণ
- চাহ জনগোষ্ঠী উন্নয়ন মন্ত্ৰালয়ক চাহ জনগোষ্ঠী আৰু আদিবাসী উন্নয়ন মন্ত্ৰালয় হিচাপে নামকৰণ
- অসম জনসেৱা অধিকাৰ (সংশোধনী) অধ্যাদেশ, ২০২৩ ৰ (Assam Right to Public Service (Amendment) Ordinance, 2023) অনুমোদন।
