ৰাজস্থান আৰক্ষীয়ে (Rajasthan Police) এদিনতে ২৫০০ৰো অধিক অপৰাধীক গ্ৰেপ্তাৰ (More than 2500 criminals arrested) কৰে। সেয়া কেৱল ভৰতপুৰ ৰেঞ্জৰ চাৰিখন জিলাৰ পৰা!অপৰাধীক ধৰিবলৈ ৰাজস্থান আৰক্ষীয়ে আৰম্ভ কৰে বিশেষ অভিযান। সেই অভিযানত আৰক্ষীয়ে ভৰতপুৰ, ঢোলপুৰ, কৰৌলী আৰু ছাৱাই মাধোপুৰৰ পৰা মুঠ ২৫১৮জন অপৰাধীক গ্ৰেপ্তাৰ কৰে।
ৰাজ্যিক আৰক্ষীৰ ডিজি উমেশ মিশ্ৰই কয় যে অতিৰিক্ত ডিজি (ক্ৰাইম) দীনেশ এম এনৰ নেতৃত্বত এক বিশেষ অভিযান আৰম্ভ কৰা হৈছে। আৰক্ষীৰ সূত্ৰ অনুসৰি, গ্ৰেপ্তাৰ হোৱা ২৫০০ অপৰাধীৰ ভিতৰত ২২৮ জন অপৰাধী, ১৫ জন কুখ্যাত অপৰাধী (15 notorious criminals)।
সোমবাৰে ভৰতপুৰ ৰেঞ্জৰ (Bharatpur Range) চাৰিখন জিলাত আৰক্ষীয়ে অভিযান চলায়। ৫০০ টা দলত বিভক্ত কৰি এই অভিযানত মোতায়েন কৰা হয় ৰাজ্যৰ আৰক্ষীক। সেই গোটত মুঠ ৩৭৫০ জন লোক আছিল। ডিজি উমেশ মিশ্ৰই কয়, “আৰক্ষীয়ে গঠন কৰা ৫০০টা দলে ২৮৬০টা স্থানত তালাচী চলায়। কেৱল কোটা, জয়পুৰ ৰেঞ্জ আৰু চুৰু জিলাৰ পৰা ২,০৫১জন দুষ্কৃতিকাৰীক গ্ৰেপ্তাৰ কৰা হৈছে।”
ডিজিয়ে লগতে কয় যে ভৰতপুৰৰ পৰা ৮০৫ জন অপৰাধীক গ্ৰেপ্তাৰ কৰা হৈছে। ঢোলপুৰৰ পৰা ৪৬০ জন, কৰৌলীৰ পৰা ৫৩০ জন আৰু ছাৱাই মাধোপুৰৰ পৰা ৭২৩ জন লোকক গ্ৰেপ্তাৰ কৰা হৈছে। এই তালাচী অভিযানত এটা বন্দুক, ২৩টা দেশীয় ৰিভলভাৰ, এটা পিষ্টল, ২৫টা কাৰ্টিজ আৰু ৫টা চোকা অস্ত্ৰ উদ্ধাৰ কৰা হৈছে বুলি আৰক্ষীয়ে জানিবলৈ দিয়ে।
