পাঞ্জাবাৰীৰ ৰাজপথত ২১ নৱেম্বৰ তাৰিখে দিন-দুপৰতে গুলীয়াই হত্যা(shot dead) কৰা হৈছিল ব্যৱসায়ী ৰঞ্জিত বৰাক। এই হত্যাকাণ্ডৰ সৈতে জড়িত ৫ অভিযুক্ত মহানগৰ ক্ৰাইম ব্ৰাঞ্চ, নলবাৰী আৰক্ষী তথা কামৰূপ গ্ৰাম্য আৰক্ষী আৰু দিছপুৰ আৰক্ষীয়ে (Dispur Police) দেওবাৰে গ্ৰেপ্তাৰ কৰে।
ৰঞ্জিত বৰাৰ হত্যাকাণ্ডৰ মূল মাষ্টাৰমাইণ্ড শ্বাহ আলম বুলি প্ৰকাশ কৰি আৰক্ষী আয়ুক্ত দিগন্ত বৰাই কয় যে, শ্বাহ আলমে শূণ্য দূৰত্বৰ পৰা ৰঞ্জিত বৰাক গুলীয়াই হত্যা কৰে। পৰৱৰ্তী সময়ত, কামৰূপ গ্ৰাম্য আৰক্ষীৰ জালত পৰা শ্বাহ আলমক ৫ দিনৰ জিম্মাত লৈছিল দিছপুৰ আৰক্ষীয়ে।
উল্লেখ্য যে, শুকুৰবাৰে পুৱা থানাৰ শৌচাগাৰত হাত কাটি আত্মহত্যাৰ চেষ্টা কৰে শ্বাহ আলম তালুকদাৰে।বহুকেইটা ডকাইতি আৰু হত্যাকাণ্ডৰে জড়িত থকা দুৰ্ধৰ্ষ ডকাইত শ্বাহ আলম তালুকদাৰৰ গ্ৰেপ্তাৰৰ পূৰ্বে সমাজত উচ্চ স্থানত আছিল। কিন্তু শ্বাহ আলমৰ প্ৰকৃত পৰিচয় ৰাজহুৱা হোৱাৰ পিছতে যথেষ্ট লাজ পাই শুকুৰবাৰে থানাৰ শৌচাগাৰতে মগ ভাঙি হাত কাটি লয় শ্বাহ আলমে।
গুৰুত্বৰভাৱে আহত শ্বাহ আলমক দিছপুৰ হাস্পতালত প্ৰাথমিক চিকিৎসা প্ৰদান কৰাৰ পিছত দিছপুৰ থানালৈ লৈ আনি পুনৰ লকআপত ভৰাই সোধা–পোছা অব্যাহত ৰাখিছে৷
