কৰ্ণাটকৰ নিৰ্বাচনে (Karnataka Election) দুৱাৰত টোকৰ মাৰিছে। যদিও বাজেট ভাষণত আন কোনো ৰাজ্যৰ নাম উল্লেখ কৰা হোৱা নাছিল, তথাপিও স্থান পালে কেৱল এই দক্ষিণৰ ৰাজ্যখনে। কেন্দ্ৰীয় বিত্তমন্ত্ৰী নিৰ্মলা সীতাৰমণে (Nirmala Sitharaman) ৰাজ্যখনৰ মেৰুণ ৰঙৰ ‘ইলকাল ৰেচম’ শাৰীৰে শোভা বঢ়াইছিল। ইয়াত পদুম, ময়ুৰ আৰু ৰথৰ হাতেৰে বোৱা ছবি আছিল।
যদিও শাৰীখন যথেষ্ট ৰঙীন আছিল, তথাপিও তেওঁৰ বাজেট ভাষণত আন সময়ৰ দৰে কোনো চাঞ্চল্য নাছিল। বৰঞ্চ প্ৰায় গোটেই সময়খিনিতে বেজী এটা পৰিলেও শুনাৰ দৰে নিস্তব্ধতা আছিল। লোকসভাত বিৰোধী দলৰ নেতা অধীৰ চৌধুৰীয়ে (Adhir Choudhury) মাজে মাজেহে কংগ্ৰেছৰ বেঞ্চৰ পৰা উঠি আহিছিল।
কিন্তু এবাৰহে নিৰ্মলাই ‘পুৰণি প্ৰদূষণকাৰী বাহন’ সলনি কৰাৰ কথা কৈ ‘পুৰণি ৰাজনৈতিক বাহন’ সলনি কৰাৰ কথাৰে সভাকক্ষত হাঁহি এটা মাৰে। প্ৰশ্ন উত্থাপন হয়, ই ফ্ৰয়েডীয় ভ্ৰমৰ শ্ৰেণীত পৰে নেকি! আচলতে বিত্তমন্ত্ৰীয়ে কংগ্ৰেছ (প্ৰাচীন ৰাজনৈতিক বাহন) ডিলিট কৰাৰ কথা ভাবিছিল নেকি?
যিহেতু নিৰ্মলাই নিজৰ ভাষণত প্ৰধানমন্ত্ৰীৰ বিভিন্ন প্ৰকল্পৰ কথা বাৰে বাৰে উল্লেখ কৰি আহিছে, তেনেকৈয়ে মোদীৰ নামত বিজেপিৰ বেঞ্চ বাৰে বাৰে বিস্ফোৰণ ঘটাইছে। কিছুসময়ৰ পাছত প্ৰধানমন্ত্ৰীয়ে নিজেই গাত দামী চাদৰ মেৰিয়াই বাৰে বাৰে বাওঁহাতেৰে টেবুলত থপৰিয়াইছিল।
