প্ৰাক্তন মন্ত্ৰী ৰূপনছিং ৰংহাঙৰ মৃত্যু, কাইলৈ প্ৰাক্তন মন্ত্ৰী গৰাকীৰ নশ্বৰ দেহ জনগোষ্ঠীটোৰ পৰম্পৰা অনুয়ায়ী শেষকৃত সম্পন্ন কৰা হ’ব

ASSAM TIMES POST
পশ্চিম কৰ্বিআংলংঃ পশ্চিম কাৰ্বি আংলং জিলাৰ ২০নং বৈঠালাংছ’ বিধনসভা সমষ্টিৰ প্ৰাক্তন বিধায়ক তথা মন্ত্ৰী ৰূপনছিং ৰংহাঙৰ দেহাৱসান ৷ দীৰ্ঘদিন ধৰি জটিল ৰুগত আক্ৰান্ত হৈ ডিফু অসামৰিক চিকিৎসালয়ত চিকিৎসাধীন হৈ আছিল প্ৰাক্তন মন্ত্ৰী গৰাকী ৷ যোৱানিশা তেওঁ উক্ত চিকিৎসালয়তে শেষ নিশ্বাস ত্যাগ কৰে ।১৯৪৮ চনত ভকচ’ঙৰ হাৰ্লাকত জন্মগ্ৰহন কৰা ৰংহাঙে শিক্ষা জীৱনৰ পাতনি মেলিছিল চিলঙত ।

গুৱাহাটী বিশ্ববিদ্যালয়ৰ পৰা কৃষি বিভাগৰ উদ্ভিদ বিজ্ঞানত প্ৰথম স্থান লাভ কৰি MSc ডিগ্ৰী কৰিছিল ।
কফীবৰ্ডত Laison Officer হিচাপেও নিযুক্তি লাভ কৰিছিল । ১৯৯৯ বৰ্ষত ৰাজনৈতিক জীৱনত ভৰি দি ২০০১ বৰ্ষত কংগ্ৰেছ দলৰ পৰা বৈঠালাংছ’ বিধানসভা সমষ্টিৰ পৰা নিৰ্বাচনত প্ৰতিদ্বন্দিতা কৰে ৰংহাঙে । উক্ত বৰ্ষতে ৰংহাঙে বৈঠালাংছ’ সমষ্টিৰ বিধায়ক হিচাপে নিৰ্বাচিত হয়।২০০৩ বৰ্ষত কংগ্ৰেছ চৰকাৰৰ ৰাজ্যিক শিক্ষা মন্ত্ৰীৰ পদো অলংকৃত কৰিছিল ।আজি ডিফুৰ পৰা ৰংহাঙৰ নশ্বৰ দেহ নিজৰ বাসগৃহৰ ভকচ’ঙলৈ অনা হয় ৷ কাইলৈ প্ৰাক্তন মন্ত্ৰী গৰাকীৰ নশ্বৰ দেহ জনগোষ্ঠীটোৰ পৰম্পৰা অনুয়ায়ী শেষকৃত সম্পন্ন কৰা হ’ব ৷