ASSAM TIMES POST
ডিফু :স্বাস্থ্য আৰু শিক্ষা বিভাগৰ প্ৰাক্তন মন্ত্ৰী ৰূপন ছিং ৰংহাং আৰু নাই ৷ একালৰ অসম চৰকাৰৰ স্বাস্থ্য আৰু শিক্ষা বিভাগৰ দায়িত্বত থকা প্ৰাক্তন মন্ত্ৰী ৰূপে কাৰ্যনিৰ্বাহ কৰা প্ৰাক্তন মন্ত্ৰী ৰূপন ছিং ৰংহাঙে দেওবাৰে নিশা প্ৰায় ১১ মান বজাত ডিফু অসামৰিক চিকিৎসালয় মৃত্যু হ’য় ৷ ৰংহাঙে ২০০২ চনৰ পৰা ২০০৪ চনলৈকে অসম চৰকাৰৰ এই গুৰুদায়িত্ব দপ্তৰৰ মন্ত্ৰী ৰূপে কাৰ্যনিৰ্বাহ কৰিছিল ৷ প্ৰাক্তন মন্ত্ৰী গৰাকীয়ে আজি কিছুদিন ধৰি ডিফু অসামৰিক চিকিৎসালয়তে চিকিৎসাধীন হৈ আছিল ৷ প্ৰাক্তন মন্ত্ৰী গৰাকীৰ মৃত্যুত জিলাবাসীয়ে এজন সুদক্ষ ৰাজনৈতিক নেতাক হেৰুৱালে ৷ প্ৰাক্তন মন্ত্ৰী গৰাকীৰ মৃত্যুত জিলাবাসীৰ লগতে কাৰ্বি আংলং জিলা কংগ্ৰছৰ মাজতো শোক ছাঁ পৰিছে ৷ এইলৈ কাৰবি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙ আৰু তিনি পাৰ্বত্য জিলা ডিফু লোকসভা সমষ্টিৰ সাংসদ হৰেণ ছিং বে’ই প্ৰয়াত মন্ত্ৰী ৰূপনছিং ৰংহাঙৰ মৃত্যুত গভীৰ দুখ প্ৰকাশ কৰাৰ লগতে মন্ত্ৰী গৰাকীৰ আত্মাৰ সদগতি কামনা কৰাৰ লগতে শোক সন্তপ্ত পৰিয়াল বৰ্গলৈ সমবেদনা জ্ঞাপন কৰে ৷৷
