ডিঙিত ডাঠ সোণৰ হাৰ (Gold chain), গোটেই কেইটা আঙুলিত সোণৰ আঙঠি (Gold ring), হাতত সোণৰ ব্ৰেচলেট (Gold bracelet)। ‘গোল্ডেন কিং’ শব্দটোৱে বিখ্যাত সংগীত পৰিচালক, সুৰকাৰ বাপ্পী লাহিৰীৰ অৱয়ব মনত পেলাই দিয়ে। বাপ্পী লাহিৰীৰ বাহিৰেও এই দেশত আৰু কিছু লোক আছে, যাক গোল্ডেন বাদশ্বাহ বুলি কʼলেও কম নহয়।
তাৰে মাজৰ এজন হৈছে ছানী নানা চাহেব ৱাঘচৌৰ (Sunny Nana Saheb Waghchaur)। জন্ম পুনে (Pune)ত। স্কুল আৰু কলেজীয়া জীৱন সেই ঠাইতে।
ছানীৰ নাম আহিলে আৰু এজনৰ নাম লʼবলগা হয়। তেওঁ হৈছে ছানীৰ বন্ধু সঞ্জয় গুজাৰ ওৰফে বণ্টী। ছানী-সঞ্জয়ৰ এই যুটিটো ‘দ্য গোল্ডেন গাই’ (‘The Golden Guy) নামেৰে বেছি পৰিচিত।
এটা সাক্ষাৎকাৰত ছানীয়ে কয়, “আমি দুয়ো পুনেত বাস কৰো। বাণ্টী আৰু মই সৰুৰে পৰা বন্ধু। সৰুৰে পৰা দুয়োৰে সোণৰ প্ৰতি এক অদ্ভুত আকৰ্ষণ আৰু প্ৰেম। আৰু সেই চখটো পূৰণ কৰিবলৈ আমি দুয়ো সোণৰ গহনা পিন্ধিবলৈ ধৰিলোঁ।”
ছানী আৰু বাণ্টী দুয়োজনে মুঠ ১৩ কিলোগ্ৰাম সোণৰ গহনা পিন্ধে। ছানীয়ে কয় যে তেওঁৰ গোটেই শৰীৰত মুঠ ৮ কিলো সোণ আছে। আনহাতে, বান্টিয়ে পিন্ধে ৫ কেজি সোণৰ গহনা।
বৰ্তমান সোণৰ বজাৰ মূল্য অনুসৰি ‘গোল্ডেন গাইʼৰ মুঠ সোণৰ মূল্য ৭.৫ কোটি টকাতকৈও অধিক। সাক্ষাৎকাৰত ছানীয়ে কয়, “ইমান সোণ পিন্ধা দেখি সকলোৱে আচৰিত হয়, ইমান ওজন লৈ কেনেকৈ কঢ়িয়াই লৈ ফুৰে?” মই কওঁ, “যদি দীৰ্ঘ সময়ৰ ভিতৰত কোনো এটা কাম অভ্যাস হৈ পৰে, তেন্তে কোনো অসুবিধা হʼব নালাগে।”
কেৱল সোণৰ গহনা পিন্ধা ছানীয়েই নহয়, তেওঁৰ মোবাইলৰ ক’ভাৰটোও সোণৰ। আন গেজেটতো সোণৰ পৰশ আছে।
ছানি আৰু বাণ্টীৰ যিবোৰ গাড়ী আছে সেইবোৰো সোণৰ পাতেৰে মেৰিয়াই থোৱা। জোতা, ঘড়ী, আনকি চছমাও সোণৰ। ছানীয়ে কয়, “আমাক চাবলৈ বহুত আগ্ৰহী মানুহ গোট খায়। ফলত সকলো সময়তে সাৱধান হʼবলগা হয়। আমাৰ নিৰাপত্তাৰ বাবে দেহৰক্ষী আছে।”
গোল্ডেন গাইজৰ আছে কেইবাখনো বিলাসী গাড়ী। ইয়াৰে এখন হʼল জাগুয়াৰ এক্সএফ। গাড়ীখনৰ বাহিৰৰ আৰু ভিতৰৰ অংশ সোণৰ মিশ্ৰণেৰে মেৰিয়াই লোৱা হৈছে। ইয়াৰ উপৰি আছে অ’ডি কিউ-৭। দুয়োৰে এই গাড়ীখন বৰ প্ৰিয়।
জাগুয়াৰ আৰু অ’ডিৰ উপৰি ছানি আৰু বাণ্টীয়ে মাৰ্চিডিজ বেঞ্জ ই ক্লাছৰ মালিক। ইয়াৰ উপৰি আছে লেণ্ড ৰভাৰ ৰেঞ্জ ৰভাৰ ভোগ এল৩৩২। ইয়াৰ এক্স শ্বোৰুমৰ মূল্য প্ৰায় ৩ কোটি টকা।
ছানী আৰু বাণ্টীয়ে বলীউডকে (চলচ্চিত্ৰ বিত্তীয় সাহায্য) ধৰি বহু ছবিত ধন বিনিয়োগ কৰিছিল। ২০১৩ চনত ছানী-বাণ্টীয়ে ‘জিলা গাজিয়াবাদ’, ‘জয়ন্তভাই কি লাভ ষ্টোৰী’ ছবিখনতো ধন বিনিয়োগ কৰিছিল। বলীউডৰ বহু তাৰকাৰ ঘনিষ্ঠ ‘গোল্ডেন গাই’। বিবেক অবেৰয় আৰু নেহা শৰ্মাৰ সৈতে প্ৰায়ে দেখা যায় ছানীক। ‘জিলা গাজিয়াবাদ’ ছবিতো অভিনয় কৰিছে ছানীয়ে।
অভিনেতা বিবেক অবেৰয়ৰৰ ব্যৱসায়িক অংশীদাৰ ছানী। দুয়োকে কেইবাটাও জনপ্ৰিয় ৰিয়েলিটি শ্ব’ত দেখা গৈছে।
২০১৭ চনত প্ৰথমবাৰৰ বাবে জনপ্ৰিয় শ্ব’ত দেখা গৈছিল ‘গোল্ডেন গাই’ক। ইয়াৰ পিছত তেওঁলোকৰ সৌন্দৰ্য্যৰ বাবে ছানি বাণ্টীৰ নামটো অধিক জনপ্ৰিয় হৈ পৰে। কেইবাটাও সংবাদ মাধ্যমৰ বাতৰি অনুসৰি, ছানীৰ সম্পত্তিৰ পৰিমাণ ৩০ কোটি টকা।
ছানীয়ে নিজৰ ছচিয়েল মিডিয়া একাউণ্টত কেইবাবাৰো মডেল প্ৰীতি ছোনীৰ সৈতে তেওঁৰ ছবি শ্বেয়াৰ কৰিছে। ফলত প্ৰীতিৰ সৈতে ছানীৰ সম্পৰ্কক লৈ চৰ্চা চলিছে।
