ASSAM TIMES POST
পশ্চিম কৰ্বি আংলংঃ ৰাজ্যৰ অনান্য প্ৰান্তৰ লগতে পাৰ্বত্য জিলা পশ্চিম কাৰ্বিআংলঙৰ বৈঠালাংছ’তো অনুষ্ঠিত হৈছে শ্ৰী কৃষ্ণৰ ৰাসলীলা। বৈঠালাংছ’ৰ কেন্দ্ৰীয় শংকৰ মন্দিৰ পৰিচালনা সমিতিৰ উদ্যোগত বৰ্নাঢ্য দুদিনীয়া কাৰ্য্যসুচীৰে মঙ্গলবাৰৰ পৰা এক সম্পূৰ্ণ আধ্যাত্মিক পৰিবেশৰ মাজত শ্ৰী কৃষ্ণৰ ৰাসলীলা অনুষ্ঠিত হৈছে।
তদুপৰি ৰাস মহোৎসৱৰ লগত সংগতি ৰাখি ছাত্ৰ-ছাত্ৰী সকলৰ মাজত শংকৰদেৱৰ জীৱনি আৰু দশৰ্ণৰ বিষয়ে প্ৰচাৰৰ উদ্দেশ্য এখনি ‘কল্পতৰু কুইজ’ শীৰ্ষক এখনি পুথি উন্মোচন কৰে শ্ৰীমন্ত শংকৰদেৱ বিশ্ববিদ্যালয়ৰ উপাচাৰ্য ড° কন্দৰ্প কুমাৰ ডেকায়ে৷
ইয়াৰ পূৰ্বে ৬১ বছৰীয়া বৈঠালাংছ’ কেন্দ্ৰীয় শংকৰ মন্দিৰটি স্থাপনৰ সৈতে জড়িত থকা প্ৰয়াত ৭৫ গৰাকী ব্যক্তিক ব্যক্তিক্ৰমী ধৰণে শ্ৰদ্ধাঞ্জলি জনায় ।ইয়াৰ পাছতেই নিশা যথেষ্ট সংখ্যক অতিথি উপস্থিতিত ৰাস মহোৎসৱৰ শুভউদ্বোধন কৰা হয়৷
বৈঠালাংছ’ৰ কিশোৰ-কিশোৰী চেমনীয়া তথা জেষ্ঠ জনৰ অংশগ্ৰহনেৰে ৰাস মহোৎসৱটি আৰম্ভ হয়। অগনন দৰ্শক শ্ৰোতাৰ উপস্থিতিত অনুষ্ঠিত এই ৰাস মহোৎসৱত সকলো শিল্পীয়ে আৰ্কষণীয় অভিনয় কৰি শেষ নিশা পয্যন্ত সকলো দৰ্শক ভগৱান শ্ৰীকৃষ্ণৰ ৰাসলীলাই মুগ্ধ কৰি তুলে৷
