ডিফুত উলহ-মালহেৰে গুৰু নানকৰ ৫৫০সংখ্যক জন্ম জয়ন্তী উদযাপন

ASSAM TIMES POST
ডিফুঃ সমগ্ৰ দেশৰ লগত সংগতি ৰাখি পাহাৰীয়া জিলা কাৰবি আংলঙতো শিখ ধৰ্মালম্বী সকলৰ ধৰ্মগুৰু গুৰু নানক দেৱৰ ৫৫০ তম প্ৰকাশ উৎসৱ জন্মজয়ন্তী উলহ মালহেৰে উদযাপন কৰা হয় ৷এইলৈ আজি ডিফুৰ গুৰুদ্বাৰ প্ৰাংগনত শতাধিক শিখ ধৰ্মালম্বীলোকে সমবেত হৈ গুকু নানকৰ নাম- সংকীৰ্তনত অংশ গ্ৰহণ কৰে বুলি কাৰবি সিঙ সভাৰ সভাপতি ৰাজবীৰ সিঙে জানিবলৈ দিয়ে ৷

যোৱা ৬ নৱেম্বৰৰ পৰা চলি থকা উৎসৱটিৰ আজি সামৰণি পৰ্বৰ কাৰ্য ক্ৰমণিকা অনুসৰি পুৱা ১০ বজাত পাথৰভোগৰ সমাপ্তি গুৱাহাটী, যোৰহাট আৰু বিভিন্ন প্ৰান্তৰ পৰা অহা লগতে স্থানীয় মুনিহ – তিৰুতা আৰু কণ কণ শিশু সকলে ছৱদ কীৰ্তন পাঠ কৰে ৷ আজিৰ কাৰ্যসূচীত কাৰবি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙ আৰু সাংসদ হৰেণছিং বে’ই অংশ গ্ৰহণ কৰে ৷ ইয়াৰোপৰি সেনা আৰু চি আৰপি এফৰ জোৱান সকলো অংশ গ্ৰহণ কৰে ৷ সদৌ শেষত সদৌটিলৈ একেলগে লংগৰ সেৱা আগবঢ়োৱা হয় ৷