ASSAM TIMES POST
ডিব্ৰুগড়ঃ ‘ৰাষ্ট্ৰীয় শিক্ষা দিৱস’, ২০১৯ৰ লগত সংগতি ৰাখি জিলা শিক্ষা আৰু প্ৰশিক্ষণ প্ৰতিষ্ঠান, ডিব্ৰুগড়ত সোমবাৰে এখনি তৰ্ক প্ৰতিযোগিতা অনুষ্ঠিত হয়।
প্ৰবক্তা দুলেন চন্দ্ৰ গোঁহাইৰ অধ্যক্ষতাত আৰু প্ৰবক্তা ভূপেন কুমাৰ দাসৰ তত্বাৱধানত অনুষ্ঠিত উক্ত অনুষ্ঠানটিত দহটি দলে অংশগ্ৰহণ কৰে। বিচাৰক হিচাপে উপস্থিত থাকে প্ৰবক্তাত্ৰয় ক্ৰমে অনিমা গোস্বামী, নিপজ্যোতি পাটিৰি আৰু স্বৰাজ ফুকন।
তৰ্ক প্ৰতিযোগিতাৰ বিষয়বস্ত “সাম্প্ৰতিক শিক্ষা ব্যৱস্থাই প্ৰকৃত মানৱ সম্পদ গঠনত সফল হৈছে” প্ৰতিযোগীসকলে অতি মনোগ্ৰাহী ভাবে উপস্থাপন কৰে। প্ৰতিযোগিতাৰ শেষত বিজয়ী প্ৰতিযোগীসকলক মানপত্ৰ প্ৰদান কৰা হয়।
প্ৰতিযোগিতাখনৰ শ্ৰেষ্ঠ তাৰ্কিক হিচাপে যুটীয়াভাবে বিবেচিত হয় আকাশ দেবনাথ আৰু সঞ্জীৱ চেতিয়া। দ্বিতীয় শ্ৰেষ্ঠ তাৰ্কিকৰ বঁটা লাভ কৰে পাৰমিতা নাগে। বঁটা- বিতৰণী অনুষ্ঠানত প্ৰতিষ্ঠানৰ অধ্যক্ষা ৰুণু গগৈ সোণোৱালে বক্তব্য ৰাখে।
