ASSAM TIMES POST
ডিফু : কাৰবি আমলঙত গোৰ্খা সম্প্ৰদায়ৰ বিভিন্ন সমস্যাৱলীকলৈ আজি অসম গোৰ্খা সন্মিলন কাৰবি আংলং জিলা সমিতি আৰু সদৌ অসম গোৰ্খা ছাত্ৰ সন্থা কাৰবি আংলং জিলা সমিতিৰ হৈ যুৃটীয়াভাবে কাৰবি আংলং স্বায়ত্ত শাসিত পৰিষদৰ মুথ্য কাৰ্যবাহী সদস্য তুলিৰাম ৰংহাঙক সাক্ষাৎ কৰি জিলাখনত বসবাস কৰা গোৰ্খা সকলৰ বিভিন্ন দাবী সম্বলিত এক স্মাৰক পত্ৰ অৰ্পণ কৰে ৷
স্মাৰক পত্ত উল্লেখ থকা দাবী সমূহ ক্ৰমে এনআৰচি প্ৰক্ৰিয়াত গোৰ্খা সকলে স্বায়ত্ত শাসিত পৰিষদৰ এলেকাৰ সংযোগী নথি হিচাপে চৰকাৰী গাওঁবুঢ়া, গ্ৰেজিং পাৰমিট, মাটিৰ ৰাজহ জমা দিয়া ৰছিদ জমা দি এন আৰচিৰ পৰা কৰ্তন হোৱা লোকৰ মধ্যস্থতা কৰি এই সন্দৰ্ভত এনে লোকৰ নাম অন্তৰ্ভুক্তিৰ বাবে কৰ্তৃপক্ষৰ সৈতে আলোচনা কৰি বিহীত ব্যৱস্থা গ্ৰহণ কৰিব লাগে, কাৰবি আংলঙত গোৰ্খা সকলক স্থানীয় অনাকাৰবি ৰূপে গ্ৰহণ কৰিব লাগে, গোৰ্খা সকললৈ মাটিৰ পট্টা প্ৰদানৰ লগতে গোৰ্খা ভৱনৰ বাবে পূঁজী আবণ্টন কৰিব লাগে বুলি স্মাৰক পত্ৰখনৰ জৰিয়তে দাবী জনোৱা হয় ৷
স্মাৰক পত্ৰ অৰ্পণ পৰ্বত সদৌ অসম গোৰ্খা সন্মিলনৰ কাৰবি জিলা সমিতিৰ ক্ৰমে সভাপতি কৃষ্ণ শৰ্মা, উপসভাপতি ভৰত পাওডেল, সাধাৰণ সম্পাদক ৰাজু ভট্টৰায় আৰু সম্পাদক কৃষ্ণ ভট্টৰায়ৰ লগতে আগছুৰ কাৰবি আংলং জিলা সমিতিৰ সভাপতি সুৰজ ছেত্ৰী উপস্থিত আছিল ৷
