এটাৰ পিছত আন এটা নেতিবাচক প্ৰতিবেদন! মানুহে তেওঁৰ বিষয়ে ইমান বেয়াকৈ কিয় কয়? ইমান ঘৃণা কিয়! জেকলিন ফাৰ্নাণ্ডেজে বুজি পোৱা নাই। অৱশেষত তেওঁ সুধিলে, ‘মই কি ভুল কৰিলোঁ?’ তেওঁ কৈছে যে তেওঁ নিজকে প্ৰশ্নটো সুধিছে। লগতে নায়িকাগৰাকীয়ে জনাইছে, তেওঁ বহুত মনোকষ্টত আছে।
জেকলিনৰ নামটো কেইবাদিনো ধৰি সুকেশ চন্দ্ৰশেখৰৰ সৈতে জড়িত হৈ আছে। অবৈধ ধন ব্যৱসায়ী সুকেশ বহু অপৰাধত দোষী। জানিব পৰা মতে অভিনেত্ৰীগৰাকীৰ সৈতে সুকেশৰ সম্পৰ্ক আছিল। কʼলা ধনেৰে কিনা মূল্যৱান উপহাৰ সুকেশে তেওঁক দিছিল বুলিও বিভিন্ন সংবাদ মাধ্যমত দাবী কৰা হৈছে।
ইডিয়ে জেকলিনক কেইবাবাৰো চমন কৰিছে।সম্প্ৰতি কাৰাগাৰত আছে সুকেশ। অৱশ্যে জেকলিনে এই বিষয়ত বহু সময় মৌন হৈ আছিল। নেট বিশ্বত সুকেশৰ সৈতে তেওঁৰ ছবি ভাইৰেল হোৱাৰ পিছতে তেওঁ কয়, ‘মই বৰ্তমান এটা সমস্যাৰ মাজেৰে পাৰ হৈ আছো। কিন্তু মোৰ বন্ধু-বান্ধৱী আৰু অনুৰাগীসকল মোৰ লগত থাকিব বুলি নিশ্চিত। যদি মোৰ গোপনীয়তাত হস্তক্ষেপ নকৰে তেন্তে মই সুখী হʼম।”
শেহতীয়াকৈ এটা সাক্ষাৎকাৰত জেকলিনে এই নেতিবাচক মন্তব্যৰ বিষয়ে মুকলিকৈ কয়। তেওঁ কয়, “এগৰাকী ব্যক্তি হিচাপে মই বিচাৰো সকলোৱে মোক ভাল পাওক। এটা অতি স্বাভাৱিক কথা। যদি কোনোবাই আপোনাক ভাল নাপায় তেন্তে আপুনি অস্বস্তি অনুভৱ কৰিবলৈ আৰম্ভ কৰে। কিন্তু ঘৃণা থাকিলে তাৰ প্ৰতি সচেতন হোৱাই ভাল।
মই কি ভুল কৰিলোঁ? কোনোবাই জানেনে? মোৰ লগত ইমান কঠোৰ হোৱাৰ কাৰণ জানিব বিচাৰো!”তথাপিও জেকলিনে এতিয়াও জীৱনত বিশ্বাস ৰাখিব বিচাৰে। ইতিবাচক হʼব বিচাৰে। সেইবাবেই তেওঁ আত্মসমালোচনাৰ ওপৰত গুৰুত্ব দিছে।
শেহতীয়াকৈ জেকলিনক সুদীপৰ সৈতে ‘বিক্ৰান্ত ৰোনা’ ছবিত দেখা গৈছে। অনাগত দিনত তেওঁক ৰণবীৰ সিং আৰু পূজা হেগড়ে অভিনীত ‘চাৰ্কাছ’ ছবিতো দেখা যাব।
