গভীৰ নিশা ৰাষ্ট্ৰীয় ঘাইপথৰ কাষত শুই থকা শ্রমিকক মহতিয়ালে বেপৰোৱা ট্রাকে। হাৰিয়ানাৰ ঝজ্জৰত বুধবাৰে নিশা সংঘটিত উক্ত ঘটনাত মৃত্যু হয় ৩ জনৰ। গুৰুতৰভাৱে আহত হৈছে আন ১১ জন।
ঝজ্জৰ জিলা আৰক্ষী সূত্র মতে, হতাহতসকল কুণ্ডলি-মানেছাৰ-পালৱাল এক্সপ্রেছৱে’ পৰিষ্কাৰৰ কামৰ বাবে আহিছিল। দিনভৰ কামৰ শেষত নিশা এক্সপ্রেছৱে’ৰ কাষতে শুই পৰিছিল। গভীৰ নিশা উক্ত ঘাতক ট্রাকখন শুই থকা অৱস্থাতে শ্রমিকসকলৰ ওপৰত উঠে। তাৰ পিছত ৰাস্তাৰ কাষৰ এটি বেৰিকেডত খুন্দা মাৰি বাগৰি পৰে।