আজি পুৱাৰ ভাগতে এক ভয়াবহ পথ দুৰ্ঘটনাত আহত হয় সদৌ অসম গোৰ্খা ছাত্ৰ সন্থাৰ সভাপতি অৰ্জুন ছেত্ৰী ৷
প্ৰাপ্ত খবৰ অনুসৰি আজি বোকাজানৰ পৰা গুৱাহাটী অভিমুখে এএছ 01 ই পি 2151 নম্বৰৰ বলেৰ’ গাড়ীখনলৈ আগছুৰ সভাপতি গৈ থকা অৱস্থাত পুৱা প্ৰায় ৮-৩০ মান বজাত হঠাত নিয়ন্ত্ৰণ হেৰুৱাই ডিলাই মাঞ্জা পথৰ ২১ মাইলৰ ওচৰত বাগৰি খাৱৈত পৰি যায় ৷
উক্ত দুৰঘটনাৰ ফলত বলেৰ’খনৰ যথেষ্ট ক্ষতি সাধন হোৱাৰ লগতে আগছুৰ সভাপতি অৰ্জুন ছেত্ৰী দুয়োখন ভৰিত আঘাত প্ৰাপ্ত হয় ৷ বৰ্তমান সভাপতি গৰাকী চিকিৎসাধীন বুলি জানিব পৰা গৈছে ৷ জানিব পৰা মতে আহত অৰ্জুন ছেত্ৰীৰ ঘৰ কামৰূপ জিলাৰ জালুকবাৰীৰ দেটকাটাৰ বাসিন্দা ৷
