দ্বিতীয়বাৰৰ বাবে প্ৰধানমন্ত্ৰী নৰেন্দ্ৰ মোদীৰ সভাস্হলী পৰিদৰ্শন মুখ্যমন্ত্ৰী ডঃ হিমন্ত বিশ্ব শৰ্মাৰ

কাৰ্বি আংলং জিলাৰ লৰিংথেপিত প্ৰধানমন্ত্ৰী নৰেন্দ্ৰ মোদীৰ সভালৈ মাজত মাথোঁ দুটা দিন বাকী থকা অৱস্থাত সোমবাৰে পুনৰ সভাস্হলী পৰিদৰ্শন কৰে ৰাজ্যৰ মুখ্যমন্ত্ৰী ড: হিমন্ত বিশ্ব শৰ্মাই। উল্লেখ্য যে সোমবাৰে বিয়লি কেবিনেট মন্ত্ৰী পিযুষ হাজৰিকা আৰু যোগেন মহন, উপাধ্যক্ষ ডা: নোমল সহ হেলিকপ্টাৰেৰে লৰিংথেপিত উপস্থিত হয় মুখ্যমন্ত্ৰী ড:হিমন্ত বিশ্ব শৰ্মা।

অহা আঠাইশ এপ্ৰিলত অনুষ্ঠিত হ’বলগীয়া সভাস্হলী পৰিদৰ্শন কৰাৰ লগতে সকলো বিলাক ব্যৱস্থাৰ বুজ লয় মুখ্য মন্ত্ৰীগৰাকীয়ে । পৰিদৰ্শন কালত উপস্থিত থাকে কাৰ্বি আংলং স্বায়ত্বশাসিত পৰিষদৰ মুখ্য কাৰ্যবাহী সদস্য ড: তুলিৰাম ৰংহাং, সাংসদ হৰেনছিং বে, বিধায়কদ্বয় বিদ্যাছিং ইংলেং আৰু দৰছিং ৰংহাং। সভাস্হলী পৰিদৰ্শনৰ অন্তত এক পৰ্যালোচনাত মিলিত হয় মুখ্যমন্ত্ৰীগৰাকী।

অন্যহাতে সাংবাদিকৰে হোৱা এক বাৰ্তালাপত মুখ্যমন্ত্ৰী ডাঃ হিমন্ত বিশ্ব শৰ্মাই কয়যে প্ৰধানমন্ত্ৰী ভ্ৰমণক কেন্দ্ৰ কৰি ৰাজ্য চৰকাৰ আৰু কাৰবি আংলং স্বায়ত্তশাসিত পৰিষদৰ উমৈহতীয়া প্ৰচেষ্ঠাত সভাৰ প্ৰস্তুতি সুন্দৰকৈ কৰা হৈছে ৰাইজে এখন ভাল সভা চাব পাৰিব বুলি কয় ৷

আনহাতে পাৰ্বত্য উন্নয়ন মন্ত্ৰী যোগেন মোহনে কয় যে, প্ৰধান মন্ত্ৰীৰ সভাকলৈ কাৰবি আংলংপাসীৰ মাজত উৎসাহ আৰু উদ্যম তুংগত আছে৷ ইয়াৰ জৰিয়তে প্ৰধান মন্ত্ৰীৰ পূৰ্বৰ সভা সমূহকো চেৰ পেলাব বুলি তেওঁ আশাবাদী ৷