ছন পৰা বৃন্দাবনক যেন পুনৰ জীপাল কৰিবলৈ তৎপৰ হৈ পৰিছে আঞ্চলিক দল অগপ৷ নতুনকৈ সদস্য ভর্তিৰ জৰিয়তে দলটোক অধিক শক্তিশালী কৰাৰ বাবে ইতিমধ্যে দলীয় নেতৃত্বই কাৰ্যপন্থা হাতত লৈছে৷ বঙাইগাঁৱৰ অভয়াপৰীত অহা ১৪ অক্টোবৰত দলটোৰ ৩৫সংখ্যক প্রতিষ্ঠা দিৱস উদযাপন কৰা হ’ব৷
প্রতিষ্ঠা দিৱসৰ কার্যসূচীত । প্ৰাক্তন মুখ্যমন্ত্ৰী প্ৰফুল্ল কুমাৰ মহন্ত, বৃন্দাবন গোস্বামী উপস্থিত থাকিব বুলি জানিব পৰা গৈছে৷ লগতে বহুখ্যক অন্য দলৰ নেতা-সদস্যই আঞ্চলিক দলটোত যোগদান কৰিব বুলি জানিব পৰা গৈছে৷ উল্লেখ্য যে ৪ ছেপ্টেম্বৰৰ পৰা আৰম্ভ হৈছিল দলৰ সদস্যভর্তি অভিযান৷ এই সদস্যভর্তি অভিযানে ব্যাপক সঁহাৰি পোৱাৰ পাছত অধিক উদ্যমেৰে নতুন সদস্যভর্তিত নিয়োজিত হৈছে দলীয় নেতা-কর্মী৷ যিকোনো প্রকাৰেই বিধানসভাৰ পৰৱর্তী নির্বাচনত দলটোৰ আসনৰ সংখ্যা বৃদ্ধি কৰাৰ লক্ষ্য লৈ সদস্যভর্তি বৃদ্ধি কৰাবলৈ দলীয় নেতাই যৎপৰোনাস্তি চেষ্টা ৰাখিছে৷ সভাপতি অতুল বৰাৰ সভাপতিত্বত অনুষ্ঠিত হ’বলগীয়া প্রতিষ্ঠা দিৱসৰ কার্যসূচীত দলটোৰ প্রতিষ্ঠাকালৰ পৰা বর্তমানলৈ থকা সকলো নেতা, বিষয়ববীয়া, ভাতৃ-ভগ্নী সংগঠনসমূহৰ নেতা-কর্মী উপস্থিত থাকিব বুলি জনা গৈছে৷
