অহা 28 এপ্ৰিলত কাৰবি আংলঙলৈ আহিব দেশৰ প্ৰধান মন্ত্ৰী উক্ত দিনা হাওৰাঘাট মহকুমাৰ অন্তৰ্গত ৰংকুটৰ লৰিনথেপিত প্ৰধানমনত্ৰী গৰাকীয়ে এখন ৰাজহুৱা সভাক উদ্দেশ্য কৰি ভাষণ প্ৰদান কৰিব ৷ প্ৰধান মন্ত্ৰী গৰাকীৰ কাৰবি আংলং জিলা ভ্ৰমণক কেন্দ্ৰ কৰি ইতিমধ্যে কাৰবি আংলং স্বায়ত্তশাসিত পৰিষদ ব্যাপক তৎপৰতা দেখিবলৈ পোৱা গৈছে ৷
আনহাতে ইয়াৰ পূৰ্বে অসমৰ মুখ্যমন্ত্ৰী ডাঃ হিমন্ত বিশ্ব শৰ্মা তিনিদিনীয়া ভ্ৰমণ সূচীৰে কাৰবি আংলঙলৈ আহিব বুলি জানিব পৰা গৈছে ৷ অহা ১৫,১৬ আৰু ১৭ এপ্ৰিলত ডিফুত কটাবলগীয়া মুখ্যমন্ত্ৰী গৰাকীৰ ভ্ৰমণ সূচীকলৈও চৰকাৰ, প্ৰশাসনৰ মাজত তৎপৰতা বৃদ্ধি পাইছে ৷ ইয়াৰে অংশ হিচাপে আজি দিনৰ ১০ বজাত ডিফুৰ মাটিপুং স্থিত আৰবৰেটাম এণ্ড ক্ৰাফট চেণ্টাৰ ভৱনত এখন গুৰুত্বপূৰ্ণ সভা অনুষ্ঠিত কৰা হয় ৷
কাৰবি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙৰ সভাপতিত্বত অনুষ্ঠিত সভাখনত জিলাখনৰ তিনি গৰাকী বিধায়ক পৰিষদৰ কাৰ্যবাহী সদস্য, পৰিষদীয় সদস্য, পৰিষদৰ প্ৰধান সচিব, ৰাজ্য আৰু পৰিষদৰ অধীনস্থ চৰকাৰী বিভাগ সমূহৰ মূৰব্বী সকল, পৰিষদৰ সচিব সকল উপস্থিত থকা গুৰুত্বপূৰ্ণ সভাখনত দেশৰ প্ৰধান মন্ত্ৰী আৰু মুখ্যমন্ত্ৰী গৰাকীৰ ভ্ৰমণ সুচী সম্পৰ্কে সবিস্তাৰে আলোচনা কৰা হয় ৷
উক্ত দুয়োটা ভ্ৰমণসুচীৰ প্ৰতি লক্ষ্য ৰাখি ভালে কেইখন সমিতি আৰু উপসমিতিও গঠন কৰা হৈছে বুলি জানিব পৰা গৈছে ৷
দুয়োটা ভ্ৰমণ সুচী সফল কৰি তুলিবৰ বাবে সকলো চৰকাৰী বিভাগকে নিৰ্দিষ্ট দায়িত্ব প্ৰদান কৰাৰ লগতে পৰিষদৰ সচিব সকলকলৈ কাৰবি আংলং স্বায়ত্তশাসিত পৰিয়ৃষদৰ মুখ্য কাৰ্যবাহী সদস্য গৰাকীক সভাপতি হিচাপে লৈ গঠিত এখন বিশেষ সমিতিয়ে প্ৰস্তুতিৰ এই সকলো দিশ পৰ্যৱেক্ষণ কৰিব ৷
ৰংকুটৰ লৰিনথেপিত দেশৰ প্ৰধান মন্ত্ৰী অংশ গ্ৰহণ কৰিবলগীয়া ৰাজহুৱা সভাখনত কমেও চাৰি লক্ষ্যাধিক লোক উপস্থিত থাকিব বুলি আশা কৰা হৈছে ৷ উক্ত ভ্ৰমণৰ সময়তে দেশৰ প্ৰধান মন্ত্ৰী গৰাকীয়ে কাৰবি আংলং আৰু পশ্চিম কাৰবি আংলং জিলাত কেইবাখনো গুৰুত্বপূৰ্ণ আঁচনিৰ আধাৰশিলা স্থাপন কৰিব বুলি জানিব পৰা গৈছে ৷
আনহাতে, তিনিদিনীয়া ভ্ৰমণসূচীৰে ডিফুত উপস্থিত হোৱাৰ সময়ত অসমৰ মুখ্যমন্ত্ৰী ডাঃ হিমন্ত বিশ্ব শৰ্মাও এখন ৰাজহুৱা সভাত অংশ গমৰহণ কৰিব ৷ উক্ত সভাত আত্ম সমৰ্পণ কৰা প্ৰাক্তন বিদ্ৰুোহী সকলৰ মাজত মুখ্যমন্ত্ৰী গৰীকীয়ে চেক বিতৰণ কৰাৰ লগতে টেট উত্তীৰ্ণ পৰীক্ষাৰ্থী সকলৰ মাজত নিযুক্তি পত্ৰ বিতৰণ কৰিব বুলি জানিব পৰা গৈছে ৷
