ষ্টাফ ৰিপ’ৰ্টাৰঃ
গুৱাহাটী মহানগৰীৰ গাড়ীগাঁৱৰ জঘন্য দলবদ্ধ ধৰ্ষণৰ ঘটনাৰে জড়িত পাঁচ অভিযুক্তক গ্ৰেপ্তাৰ কৰাত চূড়ান্তভাৱে ব্যৰ্থ হৈছে স্মাৰ্ট মহানগৰ আৰক্ষী। এজাহাৰ দিয়া পাঁচদিন উকলি যোৱা পাছতো অভিযুক্ত শুংসূত্ৰ পোৱা হৰমিত সিং নেতৃত্বাধীন গুৱাহাটী আৰক্ষীয়ে। আৰক্ষীয়ে তদন্তৰ অব্যাহত ৰাখিছে যদিও অভিযুক্ত আত্মগোপন কৰি থকা কোনোধৰণৰ ক্লুৱেই লাভ কৰা নাই। উল্লেখ্য যে পাঁচ অভিযুক্ত পৰিয়ালৰ ব্যক্তিক পানবজাৰ মহিলা থানাত আজি সোধ-পোচ অব্যাহত ৰাখিছে যদিও তথ্য লাভ কৰা নাই আৰক্ষীয়ে।
ইফালে বিশেষ সূত্ৰ খবৰ অনুসৰি ১৬ বছৰীয়া কিশোৰী গৰাকীৰ সৈতে অভিযুক্ত বিকি আলি (২২) প্ৰেমৰ সম্পৰ্ক থকা কথা পোহৰলৈ আহিছে। ১৬ ফেব্ৰুৱাৰীত অভিযুক্ত ৱিকি আলিয়ে কিশোৰীগৰাকীক ঘৰলৈ নিছিল। ঘৰতে কিশোৰী গৰাকীক ধৰ্ষণ কৰি মোবাইল ফোনটো আবদ্ধ কৰিছিল ভিডি’অ। মোবাইলত আবদ্ধ ভিডি’অ ভাইৰেল কৰি দিয়া ভয় দেখুৱাই ১৯ ফেব্ৰুৱাৰীত আদাবাৰীস্থিত ব্ৰহ্মপুত্ৰ গেষ্টহাউচলৈ মাতি নিছিল দুৰ্ভগীয়া কিশোৰী গৰাকীক। গেষ্ট হাউচৰ ১০৫নম্বৰ কোঠাত চাৰি বন্ধুৱে মিলি দলবদ্ধভাৱে ধৰ্ষণ কৰিছিল।
আনহাতে ব্ৰহ্মপুত্ৰ গেষ্ট হাউচ কৰ্তৃপক্ষই অৱগত কৰা মতে ৱিকি আলীয়ে OYO জৰিয়তে ১০৫নম্বৰ কোঠা বুক কৰিছিল। ইফালে সমগ্র ঘটনা পোহৰলৈ অহা পাছত ব্ৰহ্মপুত্ৰ গেষ্ট হাউচত মহানগৰ আৰক্ষীয়ে বিভিন্ন চিচিটিভি ভিডি’অ পৰীক্ষা কৰিছে।
উল্লেখ্য বিশেষ সূত্ৰ খবৰ মতে কিশোৰীগৰাকীয়ে ৭ মাৰ্চ দিনা পৰিয়ালক সমগ্র ঘটনা অৱগত কৰে। তাৰ ভিত্তিত ৮মাৰ্চত পাণবজাৰ মহিলা আৰক্ষী থানাত এজাহাৰ দাখিল কৰে।
