নিউজ ডেস্কঃ
ক্ৰমাৎ বাঢ়িছে উদ্বেগ। বিশ্বজুৰি ৰঙা চকু দেখুৱাইছে কৰোনাৰ নতুন প্রজাতি ওমিক্রনে। ইউৰোপৰ পৰা আমেৰিকালৈ ওমিক্রন আতঙ্কত ত্রস্ত বিশ্ববাসী। অৱশ্যে ইউৰোপৰ তুলনাত ভাৰতত ওমিক্রন সংক্রমণ সিমান এটা বেছি বিয়পা নাই। পৰিসংখ্যা মতে, মঙ্গলবাৰৰ তুলনাত বুধবাৰে দেশত পুনৰ বাঢ়িল ওমিক্রন আক্রান্তৰ সংখ্যা। স্বাস্থ্য মন্ত্ৰালয়ৰ পৰিসংখ্যা অনুসৰি, বুধবাৰে দেশত ওমিক্রন আক্রান্তৰ সংখ্যা হৈছে ২১৩।
দেশৰ ভিতৰত ওমিক্রন আক্রান্তৰ সংখ্যা সর্বোচ্চ দিল্লীত। পৰিসংখ্যা মতে, দিল্লীত ৫৭, মহাৰাষ্ট্রত ৫৪, তেলেঙ্গানাত ২৪, কর্নাটকত ১৯, ৰাজস্থানত ১৮, কেৰালাত ১৫, গুজৰাটত ১৪ জন ওমিক্রনত আক্রান্ত হৈছে। আনহাতে, অন্ধ্রপ্রদেশ, জম্মু-কাশ্মীৰ, উত্তৰ প্রদেশ, ওড়িশা, চণ্ডীগড়, পশ্চিমবঙ্গতো এজনকৈ ওমিক্রন আক্রান্তৰ সন্ধান পোৱা গৈছে। জানিব পৰা মতে, দেশত ওমিক্রন আতঙ্ক সন্দৰ্ভত বৃহস্পতিবাৰে এক বৈঠকত বহিব প্রধানমন্ত্রী নৰেন্দ্র মোদী।
আনহাতে, ওমিক্রন উদ্বেগৰ কাৰণে ৰাজ্যবোৰলৈ বহু নির্দেশনা পঠাইছে কেন্দ্রীয় স্বাস্থ্য মন্ত্ৰালয়ে। বিশেষজ্ঞসকলৰ বক্তব্য, ডেল্টা প্ৰজাতিতকৈ তিনিগুণ বেছি বিপজ্জনক এই ওমিক্রন প্ৰজাতি। পৰিস্থিতি যাতে দ্বিতীয় ঢৌৰ দৰে নহয়, তাৰ বাবে কঠোৰ নৈশ সান্ধ্য আইন জাৰি কৰাৰ নির্দেশ দিয়া হৈছে। ৰাজ্যই ৰাজ্যই ৱাৰ ৰুম খোলা, দ্রতগতিত টীকাকৰণ আৰু জিনোম ছিকোয়েন্সিঙৰ নির্দেশ দিয়া হৈছে স্বাস্থ্য মন্ত্ৰালয়ৰ তৰফৰ পৰা।
