ASSAM TIMES POST
অজন্তা তালুকদাৰ, বোকাখাতঃ কাজিৰঙা ৰাষ্ট্ৰীয় উদ্যান কর্তৃপক্ষৰ উদ্যোগত বােকাখাত মহকুমা সাংবাদিক সন্থা, বােকাখাত প্ৰেছ ক্লাব, ইলেক্ট্রনিক মেডিয়া জার্নালিস্ট এচোচিয়েচন, বোকাখাত মহকুমা কবি সন্মিলন, বোকাখাত নাট্য মন্দিৰ সমিতি, পুতি সাহিত্য সভা, সন্ধানী লেখিকা সমাৰােহ সমিতিৰ লগতে বিশ্ব প্রকৃতি নিধি, ৱাইল্ড লাইফ ট্রাস্ট অব ইন্ডিযা, আৰণ্যক আৰু ভূমিৰ বিশেষ সহযােগত বােকাখাতত কেন্দ্রীয় ভাৱে যোৱা ২২ ছেপ্টেম্বৰত দিন জোৰা কার্যসূচীৰে বিশ্ব গড় দিৱস উদযাপন কৰা হয়।
উক্ত দিৱসৰ লগত সংগতি পুৱাৰে পৰা গঁড়ৰ বর্ণাঢ্য শােভাযাত্রা, কবি সন্মিলন, ছাত্র-ছাত্রীৰ মাজত চিত্রাঙ্কন আৰু ৰচনা প্রতিযােগিতাৰ উপৰিও মুকলি সভাৰ আযােজন কৰা হয়। দিনজোৰা এই অনুষ্ঠানৰ পুৱা ৯ বজাৰ পৰা বােকাখাত নাট্য মন্দিৰত আয়ােজিত বোকাখাত মহকুমা কবি সন্মিলনৰ উদ্যোগত স্ব-ৰচিত কবিতা পাঠৰ এক অনুষ্ঠান আয়োজন কৰা হয়।
অনুষ্ঠানৰ বন্তি প্ৰজ্বলন কৰে বোকাখাত পুৱতি সাহিত্য সভাৰ সভাপতি অপূৰ্ব বৰদলৈয়ে। বোকাখাত মহকুমা কবি সন্মিলনৰ সভাপতি অমৰ শৰ্মাৰ সঞ্চালনাত অনুষ্ঠিত কবিতা পাঠ অনুষ্ঠানত বক্তৃতা আৰু কবিতা পাঠেৰে শুভাৰম্ভ কৰে অসমৰ জনপ্ৰিয় প্ৰবীণ কবি, বিশিষ্ট নাট্যকাৰ, পৰিচালক ৰফিকুল হুছেইনে ।
বোকাখাত মহকুমা কবি সন্মিলনৰ সম্পাদক মনালিছা শইকীয়াই আঁটধৰা অনুষ্ঠানত অপূৰ্ব্ব বৰদলৈ, ৰফিকুল হোছেইন, অজিৎ গগৈ, শৰৎ হাজৰিকা, নবীন দত্ত, বুবুল দত্ত, জিতু শৰ্মা ৰাজখোৱা, ভৱানন্দ কলিতা, পল্লৱ হাজৰিকা, হিমাঞ্চল দত্ত, পাৰবিজুল হক, পংকজ কালিন্দী, মিলন বৰা, মনো বৰা, অচ্যুৎ হাজৰিকা, মনোৰঞ্জন সেন, হৰি প্ৰসাদ বৰঠাকুৰ, মুহিৰাম লইং, মৃদুস্মিতা শৰ্মা, মনালিছা পপী শইকীয়া, অমল দাৱ, তৰুণ গগৈ, তৰুণ দলে, সাক্ষীৰাম মাহাত্বো, গোবিন কাকতি, উৎপল কুমাৰ শৰ্মা, তৰুণ ৰাজখোৱা, কমল গগৈ, অন্নদা শইকীয়া, নিজৰা বৰঠাকুৰ, কল্পনা চেতিয়া, সূৱৰ্ণ শইকীয়া বৰদলৈ, পদুমী গাজলু, চন্দ্ৰপ্ৰভা ডেকা শইকীয়া, পুতলী খাউণ্ড, শান্তি দত্ত বৰদলৈ, ৰিজু শইকীয়া বৰদলৈ, প্ৰীতিমা ৰাজখোৱা, গীতাঞ্জলি কলিতা, আৰতি বৰা হাজৰিকা, লীলাৱতী গোঁহাই গগৈ, হিমলতা বৰুৱা, গীতিৰেখা দত্ত, ৰিমঝিম শইকীয়া, চিম্পী শইকীয়া, ডালিমী নাথ, অৰ্চ্চনা ভট্ৰাচাৰ্য, ৰেবা গগৈ, দৃষ্টিৰূপা বৰদলৈ, লোকপ্ৰিয়া বৰা, ৰূপজ্যোতি শইকীয়া গগৈ, পপী শইকীয়া, মঞ্জুমণি চাৰহ, মণিকংকনা বৰবৰা, ড° বৰ্ণালী বৰুৱা, লিম্পী পাঠক, কৃষ্টিনা হাজৰিকা, অমৰ শৰ্মাই কবিতা পাঠ কৰে।
অনুষ্ঠানটিৰ সঞ্চালক অমৰ শৰ্মাই সকলোকে সম্বোধি ধন্যবাদ আৰু কৃতজ্ঞতা জনায়। গঁড় দিৱসৰ উপলক্ষে বোকাখাতৰ “নাট্যম বোকাখাত” ৰ নাট্যদলটিক কাজিৰঙা ৰাষ্ট্ৰীয় উদ্যানৰ গবেষণা বিষয়া ৰবীন্দ্ৰ শৰ্মাই আদৰণি জনায় ।
দলটিয়ে বোকাখাত, বিহৰা বজাৰ, আৰু কহঁৰাত বাটৰ নাট প্ৰদৰ্শন কৰে । বাটৰ নাটৰ অভিনয় শিল্পী সকল আছিল ৰাতুল ফুকন, ঋতুপৰ্ণ চৌধুৰী, তৰুণ তীৰ্থ শইকীয়া, প্ৰণৱ শইকীয়া আৰু শিল্পীশিখা শৰ্মা । মুকলি সভাৰ আৰম্ভণি গীতাঞ্জলী কলিতাৰ ৰচনা আৰু পৰিচালনাৰে গঁড়ৰ ওপৰত আধাৰিত দিহা নামেৰে হয় ।
গীতাঞ্জলী কলিতাই আঁট ধৰা অনুষ্ঠানত মুখ্য অতিথি হিচাপে উপস্থিত থাকে অসম চৰকাৰৰ কেবিনেট মন্ত্ৰী অতুল বৰাই গঁড় দিৱসৰ ওপৰত বক্তব্য ৰাখে। কাজিৰঙা ৰাষ্ট্ৰীয় উদ্যানৰ সঞ্চালক পি শিৱকুমাৰ , পুৱ অসম বন সংমণ্ডল প্ৰাধিকাৰী ৰোহিনী বল্লভ শইকীয়া, অসম ৰাজ্যিক সাংবাদিক সংস্থাৰ সভাপতি জিতু শৰ্মা ৰাজখোৱা, উজনি অসম চক্ৰ বন সংৰক্ষক ৰঞ্জন কুমাৰ দাস , জ্যেষ্ঠ সাংবাদিক ভৱেশ শইকীয়া, সাহিত্যিক পেঞ্চনাৰ অন্নদা শইকীয়া আদিয়ে ভাষন দিয়ে। সভাত নাকেৰে চিত্ৰ আঁকি সকলোকে আপ্লুত কৰে শিৰোমণি দলেয়ে ।
চিত্ৰাংকন প্ৰতিযোগিতাৰ শিৰোমণি দলেৰ নিজা শিতানত ক্ৰমে ৰাহুল ৰায় , মিঠু বৰুৱা আৰু আদিত্য শইকীয়া প্ৰথম দ্বিতীয় আৰু তৃতীয় স্থান লাভ কৰে। গঁড় দিৱসৰ চিত্ৰাংকন প্ৰতিযোগিতাৰ উচ্চ শাখাত ক্ৰমে টিনা নাথ , প্ৰিঞ্চীপ্ৰিয়া দলে , আৰু প্ৰজ্ঞাছাঁয়া কায়স্থ , আৰু নিম্ন শাখাত ক্ৰমে গৌতম বৰা , ৰিতেন তাঁতি আৰু আয়ুথন ফাংচুয়ে প্ৰথম দ্বিতীয় আৰু তৃতীয় স্থান দখল কৰে। ৰচনাত চনী শৰ্মা, ধনদা বৰ্মন, আৰু দিব্যজ্যোতি নাথ আৰু পৰিস্মিতা গগৈয়ে প্ৰথম দ্বিতীয় আৰু তৃতীয় স্থান লাভ কৰে।
প্ৰতিযোগি সকলক সভাতে পুৰষ্কাৰ বিতৰণ কৰা হয়। সাংবাদিক আৰু বন্যপ্ৰেমী উত্তম শইকীয়া আৰু ৰবীন্দ্ৰ শৰ্মাই দৃশ্য শ্ৰাৱ্য মাধ্যমৰ যোগেদি গঁড় সম্পৰ্কীয় তথ্য চিত্ৰ প্ৰদৰ্শন কৰে । গঁড়ৰ প্ৰতীক নিৰ্মাতা দুলাল বৰা আৰু মঞ্চ সজাই তোলা মুনীন্দ্ৰ বৰদলৈক সম্বৰ্ধনা জনোৱা হয়। সভাত বন বিভাগৰ উপৰিও , মহকুমা প্ৰশাসন , আৰক্ষী বিষয়া আৰু বহু দল সংগঠনৰ লোক উপস্থিত থাকে।
