নিউজ ডেস্কঃ
গছৰ তলত পঢ়া-শুনা কৰি কেৱল নিজক প্রতিষ্ঠা কৰাই নহয় বিলিয়নিয়াৰৰ তালিকাত নাম লেখালে এজন ভাৰতীয়ই। হিমাচলৰ এই সফল ব্যক্তিজনৰ নাম জয় চৌধুৰী। চাইবাৰ ছিকিউৰিটি ফার্ম জেডস্কেলাৰৰ মালিক জয়ে হুৰুন গ্লোবেল ধনীসকল ২০২১ৰ তালিকাত ৫৭৭ স্পট জঁপিয়াই আহি ভাৰতৰ শ্ৰেষ্ঠ ১০ স্কোয়াডত নাম লিপিবদ্ধ কৰালে। কোম্পানীটোৰ ৪৮ শতাংশ শ্বেয়াৰৰ মালিক জয়ৰ সম্পত্তি ২৮ বিলিয়ন ডলাৰ। এক বছৰত যিটো বাঢ়িছে ২৭১ শতাংশ।
অতিমাৰিৰ সময়ত মানুহৰ ডিজিটেল সেৱা গ্রহণৰ আগ্রহ জয়ৰ সাফল্যৰ মূল চাবিকাঠি বুলি জনা যায়। কাৰণ ভিডিও কলিং এপ যেনে জুম বা নেটফ্লিক্সৰ দৰে এপে তেওঁৰ কোম্পানীৰ উপাৰ্জন বৃদ্ধিত মুখ্য ভূমিকা লৈছে।
হিমালয়ান অঞ্চলৰ পানহ গাঁৱত জন্ম জয়ৰ। হিমাচলৰ উনা জিলাত কটাইছে তেওঁৰ শৈশৱ। তেতিয়া গাঁৱত বিদ্যুৎ সেৱা নাছিল। ফলত গছৰ তলত বহিয়েই পঢ়া-শুনা কৰিবলগা হৈছিল তেওঁ। প্রায় প্রতিদিনে ৪ কিলোমিটাৰ খোজকাঢ়ি যাবলগা হৈছিল স্কুললৈ। জয় বৰ্তমান থাকে আমেৰিকাত।
২০০৮ চনত গঢ়ি তোলে নিজৰ প্রতিষ্ঠান জেডস্কেলাৰ। আইআইটি ভূপালৰ পৰা স্নাতক আৰু ছিন্সিনাটিৰ পৰা এমবিএ কৰা জয় চৌধুৰীৰ মতে, তেওঁৰ এই সাফল্যৰ আঁৰৰ মূল কাৰণ ইচ্ছাশক্তি, টকাৰ প্রতি আসক্তিহীনতা আৰু মানুহৰ মনত এই বিশ্বাস দিয়া যে নিৰাপদে ইন্টাৰনেট ব্যৱহাৰ কৰিও সফল ব্যৱসায় কৰিব পৰা যায়।
