গুজৰাটৰ চুৰাট (Surat in Gujarat)ত ৩০ লাখ টকাৰ (Rs 30 Lakh) ড্ৰাগছ সৰবৰাহৰ অভিযোগ (Drug supply accusation)ত গ্ৰেপ্তাৰ হৈছে এগৰাকী প্ৰাক্তন বিমান পৰিচাৰিকাকে (former flight attendant arrested) ধৰি দুজন লোক। চুৰাট আৰক্ষীয়ে জনোৱা মতে, বদোদৰাৰ পৰা গাড়ীত লুকুৱাই মুম্বাইলৈ ড্ৰাগছখিনি সৰবৰাহ কৰিছিল। দিল্লী-মুম্বাই এক্সপ্ৰেছৱে’ত গাড়ীখন ৰখাই তালাচী চলোৱা হয়। আৰক্ষীৰ সূত্ৰই জনোৱা মতে, তালাচীৰ অন্তত উদ্ধাৰ কৰা হয় ড্ৰাগছ।
দিল্লী-মুম্বাই এক্সপ্ৰেছৱে’ত এখন গাড়ীয়ে ড্ৰাগছ সৰবৰাহ কৰি থকা বুলি আৰক্ষীয়ে গোপন সূত্ৰৰ পৰা তথ্য লাভ কৰে। এক সূত্ৰৰ জৰিয়তে এই খবৰ পোৱাৰ পিছতে এক্সপ্ৰেছৱে’ৰ এটা টোল প্লাজাত আৰক্ষীয়ে অপেক্ষা কৰি আছিল। গাড়ীখন টোল প্লাজা পোৱাৰ লগে লগে গাড়ীখন ৰখাই দিয়া হয়। গাড়ীখনৰ পৰা উদ্ধাৰ হৈছে ৯৭৭ গ্ৰাম মেফেড্ৰন (এম ডি)। মানসী চৈয়দ আৰু তেওঁৰ সহযোগী চোহেইল চুলেমান শ্বেখক গ্ৰেপ্তাৰ কৰা হয়। মানসীয়ে বিমান পৰিচাৰিকা হিচাপে কাম কৰিছিল। আৰক্ষীৰ সূত্ৰ অনুসৰি, গাড়ীখনৰ পৰা ড্ৰাগছৰ উপৰি কেইবাটাও ফোন উদ্ধাৰ কৰা হৈছে।
আৰক্ষীৰ সূত্ৰই দাবী কৰিছে যে জেৰাৰ সময়ত গ্ৰেপ্তাৰ হোৱা লোকসকলে মুম্বাইৰ পৰা গাড়ীখন ভাড়াত লোৱা বুলি স্বীকাৰ কৰে। তেওঁলোক বদোদৰালৈ গৈছিল আৰু তাৰ পৰা উভতি আহি আছিল। কিন্তু চুৰাটৰ সমীপতে ধৰা পৰে। বদোদৰা ৰে’ল ষ্টেচনৰ সমীপত এগৰাকী অচিনাকি মহিলাৰ পৰা ড্ৰাগছ লৈছিল। ইয়াৰ পিছত গাড়ীত সৰু সৰু পেকেটত লুকুৱাই ৰাখিছিল। ধৃত দুয়োজনেই মুম্বাইৰ ছাণ্টাক্ৰুজৰ বাসিন্দা।
আৰক্ষীৰ সূত্ৰ অনুসৰি, মানসী মালয়েছিয়ান এয়াৰলাইন্সৰ বিমান পৰিচাৰিকা আছিল। কৰ্মসূত্ৰে তেওঁ বিভিন্ন দেশ ভ্ৰমণ কৰিছিল। ২০১৫ চনত মানসী ড্ৰাগছ সৰবৰাহৰ চক্ৰৰ সৈতে জড়িত হৈ পৰে। ২০২১ চনত মধ্যপ্ৰদেশৰ ইন্দোৰত মানসীক গ্ৰেপ্তাৰ কৰা হৈছিল। সেই সময়ত তেওঁৰ পৰা উদ্ধাৰ হৈছিল ১০০ গ্ৰাম ড্ৰাগছ। চাৰি বছৰ তেওঁ জে’ল খাটিবলগীয়াও হৈছিল।
