নিউজ ডেস্কঃ
ঘোষণা হ’ল অসমসহ ৫ ৰাজ্যৰ নিৰ্বাচনৰ দিন। অসম, পশ্চিমবঙ্গ, তামিলনাডু, কেৰালা আৰু পুডুচেৰী বিধানসভা নিৰ্বাচনৰ তাৰিখ ঘোষণা কৰে মুখ্য নিৰ্বাচন আয়ুক্ত সুনীল অৰোৰাই। বংগৰ ২৯৪, কেৰালাৰ ১৪০, তামিলনাডুৰ ২৩৪, অসমৰ ১২৬ আৰু পুডুচেৰীৰ ৩০খন আসনৰ বাবে নির্বাচন অনুষ্ঠিত হ’ব। সেই অনুসৰি অসমত তিনিটা পৰ্যায়ত নিৰ্বাচন অনুষ্ঠিত হ’ব। ২৭ মাৰ্চত প্ৰথম পৰ্যায়, ১ আৰু ৬ এপ্ৰিলত অনুষ্ঠিত হ’ব দ্বিতীয় আৰু তৃতীয় পৰ্যায়ৰ নিৰ্বাচন। তামিলনাডু, কেৰালা আৰু পুডুচেৰীত ৬ এপ্ৰিলত এটা পৰ্যায়ত নিৰ্বাচন অনুষ্ঠিত হ’ব।
আনহাতে, মুঠ ৮টা পৰ্যায়ত অনুষ্ঠিত হ’ব পশ্চিমবঙ্গ বিধানসভাৰ নিৰ্বাচন। প্রথম পৰ্যায়ৰ ভোটগ্রহণ ২৭ মার্চ, দ্বিতীয় পৰ্যায়ৰ ১ এপ্রিল, তৃতীয় পৰ্যায়ৰ ৬ এপ্রিল, চতুর্থ পৰ্যায়ৰ ১০ এপ্রিল, পঞ্চম পৰ্যায়ৰ ১৭ এপ্রিল, ষষ্ঠ পৰ্যায়ৰ ২২ এপ্রিল, সপ্তম পৰ্যায়ৰ ২৬ এপ্রিল আৰু অষ্টম তথা অন্তিম পৰ্যায়ৰ ভোটগ্ৰহণ অনুষ্ঠিত হ’ব ২৯ এপ্রিলত। ভোট গণনা ২ মে’ত।
