ষ্টাফ ৰিপ’ৰ্টাৰ
ডিফু : ৰবিবাৰে নিশা পাহাৰীয়া জিলা কাৰবি আংলঙৰ সদৰ চহৰ ডিফুত সফল সমাপ্তি হয় ৫ম কাজিৰ ৰংহাঙপী টেলেণ্ট হাণ্ট ছ’চাইটিৰ ফাইনেল অডিচনৰ ৷ কাৰবি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তুলিৰাম ৰংহঙৰ প্ৰয়াত মাতৃ কাছে টেৰণপীৰ সোঁৱৰণি প্ৰাইজমনি মিছেছ, মিছ আৰু কিডছ কাৰবি আংলং আৰু পৰিষদৰ ইএম লুণছিং টেৰণৰ স্প’নচৰত অনুষ্ঠিত মিষ্টাৰ কাৰবি আংলং প্ৰতিযোগীতাত প্ৰতিযোগী সকলে উৎকৃষ্ট প্ৰদৰ্শনেৰ উপস্থিত দৰ্শকক আপ্লুত কৰে ৷ চাৰিটা কেটেগৰিত অনুষ্ঠিত ফাইনেল অডিছনত ক্ৰমে, মিষ্টাৰ 25, মিছেছ 10, মিছ 25 আৰু কিডছৰ 25 জনকৈ প্ৰতিযোগীয়ে অংশগ্ৰহণ কৰে ৷
ইয়াৰ মিছ কাৰবি আংলঙৰ বিজয়ীৰ মুকুট পিন্ধে ৰূপালী টিচ’পীয়ে বিজেতা ক্ৰমে, মিৰলিন টেৰণপী আৰু এলিচ টেৰণপী, শ্ৰেষ্ঠ বুদ্ধিমতীৰ ৰাউণ্ড ৰাচিংজা ৰূপালী কাথাৰপী, মিষ্টাৰ কাৰবি আংলঙৰ বিজয়ী বিজয় তিমুঙ, বিজেতা ক্ৰমে, আংথিক ইংতি আৰু মাচুম থাউচেন, শ্ৰেষ্ঠ বুদ্ধিমত্তা মনোজ ইংতি, বেষ্ট ফটোজেনিক আংথিক ইংতি, বেষ্ট কেটৱাক ৱাইচং তেৰাঙ , মিছেছ কাৰবি আংলঙৰ বিজয়ী ৰূমিৰ ইংতিপী, বিজেতা ক্ৰমে, ৰূপালী টেৰণপী আৰু ৰশ্মিতা ইংতিপী ৷
শ্ৰেষ্ঠ বুদ্ধিমতী ৰাউণ্ডৰ বিজয়ী বাচাপী বে’পী, শ্ৰেষ্ঠ ফটোজেনিক খিতাপ ৰুমিৰ ইংতিপী আৰু শ্ৰেষ্ঠ কেটৱাক বিজয়ী বাচাপী বে’পীয়ে লাভ কৰিবলৈ সক্ষম হয় ৷ শ্ৰেষ্ঠ কিডছৰ বিজয়ী অঞ্জলী হাছামছা, বিজেতা ক্ৰমে, ৰূপজিলীন বে’পী, আৰু দেৰাপী, শ্ৰেষ্ঠ বুদ্ধিমত্তাৰ ক্লাৰজিৰ কাথাৰপী, শ্ৰেষ্ঠ ফটোজেনিক ৰূপজিলিন বে’পী, শ্ৰেষ্ঠ কেটৱাক বিজয়ী লেচলী দাওলা গুপু, ফাইনেল অডিচনৰ বিচাৰক মণ্ডলী হিচাপে থাকে ফেছন কৰিঅ’গ্ৰাফী, বিদ্যুত নাথ, কাথাৰচন ইংতি আৰু ক্লাৰলিন টকবীপী ৷
