নিউজ ডেক্স:
২০১৪চনৰ ডিচেম্বৰ মাহৰ পিয়ল অনুসৰি ভাৰতবৰ্ষৰ ৩২খন ৰাজ্য আৰু কেন্দ্ৰীয় শাসিত অঞ্চলৰ সকলোবোৰ গাৱঁত মুঠ ৮৫৯,৩৩১ আশা কৰ্মীয়ে বৰ্তমান ক’ভিড সেৱা আগবঢ়াই আছে নিজৰ জীৱনকো তুচ্ছ কৰি ৷ তাৰ বাবে তেওঁলোকক দিয়া হয় কামৰ ভিত্তিত অতি কম পাৰিশ্ৰমিক ৷
প্ৰত্যেক গাওঁ অঞ্চলত তৃণমূল পৰ্যায়ত মানুহৰ ঘৰে ঘৰে গৈ ক’ভিড-১৯ৰোগীৰ সন্ধান কৰা,এই মহামাৰীৰ সময়তো ঘৰে ঘৰে গৈ স্বাস্থ্য সম্বন্ধীয় আন আন সেৱাসমূহো আগবঢ়াই যায় ৷ তেওঁলোকৰ নিজৰ জীৱন সংকতত পৰিব লগা পৰিস্থিতিও আহি পৰে কেতিয়াবা ৷
তথ্য অনুসৰি ক’ভিড সেৱাৰ বাবে প্ৰয়োজনীয় পিপিই কিট যোগান ধৰা নহয় তেওঁলোকক ৷ যোগান ধৰা চেনিটাইজাৰ আৰু উপযুক্ত প্লাষ্টিক হাত মোজাৰ পৰিমাণো তেনেই কম মাহটো ব্যৱহাৰ কৰিব পৰাকৈ ৷
এই বিলাকৰ উপৰিও ক’ভিড ৰোগীৰ সৈতে কাম কৰি থকাৰ বাবে ওচৰ চুবুৰীয়াই বেমাৰৰ বাহক হিচাপে পৰিগণিত কৰি আশা কৰ্মী গৰাকীৰ সম্পূৰ্ণ পৰিয়ালকে এঘৰীয়া কৰে বা এঘৰীয়া কৰাৰ পৰ্যায় পাইগৈ ৷
কোনোবা কোনোবা সময়ত এগৰাকী আশা কৰ্মীয়ে আধা খোৱা ভাত টেবুলতে এৰি খবৰ পোৱা মাত্ৰকে ক’ৰনা থকাৰ সন্দেহযুক্ত ব্যক্তিৰ ঘৰ পাবগৈ লগাও হয় ৷ তথাপিও চৰকাৰে কিয় দিব পৰা নাই স্বাস্থ্য সুৰক্ষা ক’ভিড মহামাৰীৰ সময়চোৱাতো এই তৃণমূল পৰ্যায়ৰ স্বাস্থ্য কৰ্মী সকলক?
