নিউজ ডেস্কঃ
২০২১ চনৰ প্রথম তিনি মাহৰ ভিতৰতেই কোভিড-১৯ ভেকচিনৰ টীকা লাভ কৰিব পৰা যাব বুলি আশাবাদী মাইক্রছফটৰ সহ-প্রতিষ্ঠাতা বিল গেটছ। লগতে তেওঁৰ আশা, ভাৰতীয় কোম্পানীবোৰে এই ভেকচিন বিপুল পৰিমাণত উত্পাোদন কৰিব। ভাৰতেই কৰোনা ভাইৰাছ ভেকচিনৰ উত্পাদনত মুখ্য ভূমিকা পালন কৰিব বুলি ধাৰণা গেটছৰ।
সংবাদ সংস্থা পিটিআইক মঙ্গলবাৰে বিল গেটছে কয়, ”আমি সকলোৱেই বিচাৰো দ্রুততাৰে ভাৰতত কৰোনা ভেকচিন উত্পাাদন আৰম্ভ হওক।” ভাৰতত উত্পাদিত কৰোনা ভেকচিন খুব কার্যকৰী আৰু নিৰাপদ হ’ব বুলি আশা প্রকাশ কৰে তেওঁ। তেওঁ কয়, ”ভাৰত শীর্ষস্থানীয় ভেকচিন উত্পাদনকাৰী। কোভিড-১৯ ভেকচিনৰ ক্ষেত্রতো আমি ভাৰতৰ পৰা সহযোগিতা বিচাৰিলো।”
বিল গেটছে আৰু কয়, ”কোভিড-১৯ ভেকচিন সম্ভৱত আগন্তুক বছৰতেই যথেষ্ট পৰিমাণে পোৱা যাব ভাৰতৰ পৰা। মই আশাবাদী, অহা বছৰৰ প্রথম তিনি মাহৰ ভিতৰতেই কোভিড-১৯ৰ কেইবাটাও ভেকচিনৰ উত্পাদন চূড়ান্ত পর্বত উপনীত হ’ব।”
উল্লেখ্য যে কৰোনাৰ মোকাবিলাত ভেকচিনক লৈ সমগ্ৰ বিশ্বৰ বিভিন্ন দেশতেই দেখা গৈছে ব্যাপক তত্পৰতা। ভাৰততো তাৰ ব্যতিক্রম নহয়। সম্ভাৱনাময় ভেকচিনৰ ট্রায়েল হৈছে দেশখনতো। কিন্তু এতিয়াও চূড়ান্ত পৰ্যায়ত উপনীত হোৱা নাই কোনো ভেকচিন। ইফালে দেশত কৰোনা সংক্রমণৰ হাৰ বিগত কেইবা দিনৰ তুলনাত সামান্য কমিছে। সোমবাৰে নতুনকৈ ৮৩ হাজাৰৰ সামান্য বেছি সংখ্যক লোক কৰোনাত আক্রান্ত হৈছে। অৱশ্যে দৈনিক সংক্রমণৰ ক্ষেত্রত স্বস্তি লাভ কৰিলেও আজিয়েই বিশ্বৰ তৃতীয় দেশ হিচাবে ভাৰতত কৰোনাত মৃত্যুৰ সংখ্যা পাৰ হৈ গৈছে ৮০ হাজাৰৰ সীমাৰ গণ্ডি। সমগ্ৰ বিশ্বত কৰোনা সংক্রমণৰ হিচাবত শীর্ষত আমেৰিকা। তাৰ পিছতেই ভাৰত আৰু ব্রাজিল।
