নিউজ ডেক্স:
বিশ্ববিসীৰ ওচৰত হাঁহিৰ খোৰাক তুলিলে মার্কিন ৰাষ্ট্রপতি ডোনাল্ড ট্রাম্পে৷ জলবায়ু পৰিবর্তন সম্পর্কে তেওঁ যি জানে, বিজ্ঞানে তাৰ একোৱেই খবৰ নাৰাখে বুলি মন্তব্য কৰে মার্কিন ৰাষ্ট্রপতিয়ে৷ তেওঁৰ এই আজব দাবীৰ কথা শুনি হাঁহিৰ ৰোল উঠিল বিভিন্নজনৰ৷ কিছুদিন ধৰি কেলিফৰ্ণিয়াৰ হাবিত জুই জ্বলাৰ বাবে পৰিস্থিতি অতি ভয়াৱহ হৈ পৰিছিল৷
ইয়াৰ বাবে ৫ লাখ লোকে ঘৰ এৰিব লগা হৈছিল৷ কমেও ২২ জনৰ মৃত্যু হয়৷ পৰিস্থিতি এতিয়াও নিয়ন্ত্ৰণলৈ অহা নাই৷ বিষয়টোক লৈ চিন্তিত বিজ্ঞানী আৰু পৰিৱেশবিদ৷ ইয়াৰ মাজতে বিজ্ঞান আৰু বিজ্ঞানীৰ দক্ষতা লৈ প্ৰশ্ন কৰে মার্কিন ৰাষ্ট্রপতি ডোনাল্ড ট্রাম্পে৷ কেলিফৰ্ণিয়াৰ পৰিস্থিতি সম্পৰ্কে সচেতন মহলে অধিক বিপৰ্যয়ৰ আশংকা কৰিছে৷
জুইৰ ফলত গৰম বৃদ্ধি পাইছে বুলি দাবী কৰিছে৷ ইয়াৰ বিপৰীত সুৰ শুনিবলৈ পোৱা গ’ল মার্কিন ৰাষ্ট্রপতিৰ মুখত৷ পৰিৱেশ ক্ৰমশঃ ঠাণ্ডা হ’ব বুলি তেওঁ দাবী কৰে৷ বন বিভাগৰ অদক্ষতাৰ বাবেই কেলিফৰ্ণিয়াৰ হাবিত জুইৰ সৃষ্টি হয় বুলি তেওঁ জনায়৷
প্ৰকৃততে জলবায়ু পৰিবৰ্তনৰ সম্পৰ্কে মই যি জানো, বিজ্ঞানে তাক নাজানে৷ এই জুইৰ বাবে পৰিৱেশ গৰম হৈ উঠিব বুলি বিজ্ঞানীসকলে লক্ষ্য কৰিছে৷ কিন্তু মোৰ মনত ভাব হয়, তৎকালে পৰিৱেশ ঠাণ্ডা হৈ উঠিব৷
