নিউজ ডেস্কঃ
দেশজুৰি শোক ছাঁ। ৰাষ্ট্ৰপতি, বিৰোধী দলৰ নেতাসহ সর্বস্তৰৰ লোক শোকত ম্ৰিয়মাণ। মমবাতি প্রজ্বলন কৰা হৈছে, মৌন সমদলো উলিওৱা হৈছে। ৰ’ব, এয়া কোনো দেশৰ বিশিষ্ট ব্যক্তি বা ৰাষ্ট্ৰ নেতাৰ বাবে শোক নহয়৷ এই শোক এটা মাছৰ বাবে! মাছটোৰ মৃত্যু যেন কোনোৱেই মানি ল’ব পৰা নাই।
আফ্রিকাৰ দক্ষিণাঞ্চলীয় দেশ জাম্বিয়াৰ বর্তমান পৰিস্থিতি এয়া। দেশখনৰ দ্বিতীয় বৃহত্তম বিশ্ববিদ্যালয় কপাৰবেল্ট ইউনিভাৰ্ছিটি (চিবিইউ)। এই বিশ্ববিদ্যালয়ৰেই এটি পুখুৰীৰ বাসিন্দা আছিল মাছটো। বয়স হৈছিল ২২ বছৰ। ইয়াৰ মাজতে পুখুৰীটোত মাছটোৱে কটাইছে ২০ বছৰ। তাৰ নাম আছিল ‘মাফিশি’। স্থানীয় বেম্বা ভাষাত এই শব্দৰ অর্থ ‘ডাঙৰ মাছ’।
জাম্বিয়াৰ বিবিচিৰ প্রতিবেদক কেনেডি গন্ডউৱে জনোৱা মতে, চিবিইউৰ শিক্ষার্থীসকলৰ বাবে মাছটো আছিল ‘সৌভাগ্যৰ প্রতীক’। বহুতেই পৰীক্ষাত ভাল কৰাৰ আশাত মাছটোৰ যত্ন কৰিছিল, খাদ্য দিছিল।কপাৰবেল্ট ইউনিভাৰ্ছিটিৰ দ্বিতীয় বর্ষৰ শিক্ষার্থী এডউইন নাম্বোৱে জনায়, মাছটো তেওঁৰ দৰে বহুতৰ বাবে চাপমুক্তিৰ এক মাধ্যম আছিল। মাফিশিকে সাঁতোৰা দেখিলে, পানীত খেলা কৰা দেখিলে মনলৈ প্রশান্তি আহে।
কপাৰবেল্ট ইউনিভাৰ্ছিটিৰ ছাত্র ইউনিয়নৰ সভাপতি লৰেন্স কাছোন্দে জনায়, মাফিশিৰ মৃত্যুৰ কাৰণ জানিব পৰা নাই। এই ক্ষেত্ৰত তদন্ত চলিছে। মাছটোৰ মৃত্যুত বিশ্ববিদ্যালয়ৰ শিক্ষার্থীসকলে মমবাতি প্রজ্বলন কৰিছে। মৌন সমদলো কৰিছে তেওঁলোকে। মাফিশিৰ মৃত্যুত দেশৰ বিভিন্ন প্রান্তৰ পৰা শোক প্ৰকাশ কৰি তেওঁলোকৰ ওচৰলৈ বার্তা আহিছে। তেওঁ জনায়, তেওঁলোকে মাছটোৰ মৃতদেহ সংৰক্ষণৰ পৰিকল্পনা কৰিছে।
জাম্বিয়াৰ ৰাষ্ট্ৰপতি এডগাৰ লুঙ্গুৱে সামাজিক মাধ্যম ফেচবুকত এক শোকবার্তাত মহাত্মা গান্ধীক উদ্ধৃত কৰিছেন। তেওঁ লিখে, প্রাণীৰ প্রতি আচৰণৰ পৰাই এটি জাতিৰ মহানুভৱতা আৰু নৈতিক অগ্রগতি মূল্যায়ন কৰা সম্ভৱ। মাফিশিক উদ্দেশ কৰি তেওঁ লিখে, ‘তোমাৰ বাবে আমাৰ মন দহিব।’
দেশখনৰ বিৰোধী দলৰ নেতা হাকাইন্ডে হচিলেমাই কয়, ‘মাফিশিৰ মৃত্যুত আমি চিবিইউৰ শিক্ষার্থীসকলৰ প্রতি সহমর্মিতা জনাইছো।’
