নিউজ ডেস্ক:
আৰম্ভ হ’বলৈ আগবাঢ়িছে বিগবছ-১৪। যোৱা বছৰ সৰ্বাধিক টিআৰপি লাভ কৰিছিল বিগবছে। এই বছৰ ক’ৰোনাৰ বাবে আৰম্ভণি যথেষ্ট পলং হৈছে। অৱশ্যে কোন কোন এইবাৰৰ বিগবছৰ ঘৰত থাকিব সেয়া প্ৰায় ঠিক হৈ গৈছে। চলমান খানৰ এই শ্বত এই বছৰ যিসকল থাকিব পাৰে তাৰে কেইবাজনৰো নাম ইতিমধ্যে প্ৰকাশ হৈ গৈছে। যাৰ ভিতৰত ৰাধে মাও থাকিব পাৰে। ইয়াৰ উপৰি বলিউডৰ বহু কেইজন জনপ্রিয় অভিনেত্রীৰ সৈতেও আলোচনা হৈ গৈছে।
বিগবছত চলমান খানৰ পাৰিশ্রমিক ১৪ কোটি টকা। এই বিশাল অঙ্কৰ ধন লোৱাৰ বাব সমালোচিতও হৈছে চল্লুভাই। অৱশ্যে তেওঁৰ বাবেই এই শ্বৰ টিআৰপি সবকলোতকৈ বেছি। যিহেতু ক’ৰোনাৰ প্ৰকোপ এতিয়াও কমা নাই দেশত, সেয়ে এই শ্ব আৰম্ভ হোৱাত বহু দেৰি হৈছে। বিগবছ কৰ্তৃপক্ষই জনাইছিল অক্টোবৰৰ তিনি তাৰিখৰ পৰা টেলিকাষ্ট হ’ব এই শ্বৰ। কিন্তু এতিয়া সেই সিদ্ধান্তও সলনি কৰিছে।
প্রতিবছৰে বিগবছৰ প্রতিযোগীসকলৰ নাম গোপনে ৰখাৰ বাবে প্রথম শ্বৰ শ্বুট হয় ঠিক এদিন আগতে। কিন্তু এইবাৰ তিনি দিন আগতে শ্বুট হ’ব। তিনি তাৰিখৰ সলনি ৪ অক্টোবৰৰ পৰা প্ৰচাৰ হ’ব বিগব- ১৪।
এই শ্বৰ বাবে ইতিমধ্যেই নেহা শর্মা, নিয়া শর্মা, পবিত্র পুনিয়া, নিশান্ত সিঙৰ দৰে অভিনেতাসকলৰ নাম সন্মুখলৈ আহিছে। অৱশ্যে এই শ্বৰ শ্বুটিঙৰ বাবে কৰোনা সতর্কতা মানি চলা হৈছে। আনকি এই বছৰ ঘৰত থকাৰ নিয়মো সলনি কৰা হৈছে।
প্রতিবাৰৰ দৰে একেবাৰে ওচৰলৈ আহি মাৰপিট, কাজিয়া কৰিব পৰা নাযাব এইবাৰ। কিন্তু ঠিক কি হ’বলৈ গৈছে সেয়া জানিব পৰা যাব ৪ তাৰিখৰ পিছতহে। সূত্রৰ খবৰ অনুযায়ী, শ্বক লৈ বিভিন্ন সমস্যাত পৰিবলগা হৈছে কৰ্তৃপক্ষ। কৰোনাৰ বাবে বহুতেই এই শ্বলৈ আহিবলৈ ৰাজী হোৱা নাই।
