ঘৰুৱা কাজিয়াৰ পৰিণতিঃ ভায়েকে ঘপিয়াই প্ৰাণ ল’লে ককায়েকৰ

 ASSAM TIMES POST

ডিফু : লকডাউনৰ মাজতে কাৰবি আংলং জিলাৰ ডিলাইত সংঘটিত হ’ল এক লোম হৰ্ষক হত্যাকাণ্ড ৷ দীৰ্ঘদিন ধৰি চলি অহা ঘৰুৱা কাজিয়াৰ বাবেই আপোন কণিষ্ট ভাতৃ দাৰে ঘপিয়াই প্ৰাণ ললে জ্যেষ্ঠ ভাতৃৰ ৷

আৰক্ষীৰ সূত্ৰে জানিব পৰা অনুসৰি সোমবাৰে সন্ধিয়া ৭ মান বজাত ডিলাই থানাৰ অন্তৰ্গত হাতোকা ছমুৱেল লগুণ গাওঁ নিবাসী ৰবাৰ্ট নাগ (৫২) নিজ কণিষ্ট ভাতৃক গালি- গালাজ কৰি ঘৰ অভিমুখে আহি থকা অৱস্থাত তেওঁৰ কণিষ্ঠ ভাতৃ ছলেমান নাগ (৫০) য়ে গালি গালাজ শুনি ঘৰৰ পৰা চোকা দালৈ ঘৰৰ কাষেৰে যোৱা ৰাস্তালৈ ওলাই আহে আৰু হাততলৈ থকা দাৰে জেষ্ঠ ভাতৃ ৰবাৰ্ট নাগক ডিঙি আৰু হাতত ঘপিয়াই জখম কৰে ৷

ভায়েকৰ আঘাতত ককায়েক মাটিত ঢলি পৰে আৰু ঠাইতে কৰুণ মৃত্যুক সাৱটি লয় ৷ ৰবাৰ্ট নাগৰ আন এজন ভাতৃৰ এজাহাৰৰ ভিত্তিত ডিলাই আৰক্ষীয়ে ডিলাই থানাত ভাৰতীয় দণ্ডবিধি আইনৰ ধাৰা ৩০২ ধাৰাত ১৯/২০২০ নম্বৰত গোছৰ ৰুজোদি আজি পুৱাৰ ভাগত হত্যাকাৰী ভাতৃ ছলেমান নাগক হত্যাত ব্যৱহৃত তেজ লগা দা’ সহ গ্ৰেপ্তাৰ কৰে ৷

ছলেমন নাগে নিজৰ অপৰাধ আৰক্ষীৰ আগত স্বীকাৰ কৰিছে বুলি আৰক্ষীৰ সূত্ৰত প্ৰকাশ ৷ হত্যাকাৰীক আদালতত হাজিৰ কৰি ডিলাই আৰক্ষীয়ে তদন্তৰ বাবে ছলেমনক এদিনৰ বাবে আৰক্ষীৰ জিম্মাত লয় বুলি জানিব পৰা গৈছে ৷