গণতন্ত্ৰক হত্যা কৰা হৈছে– হলিৰাম তেৰাং
ASSAM TIMES POST
ডিফুঃ সংবিধানৰ ৩৭০ আৰু ৩৫( ক) অনুসৰি জম্মু আৰু কাশ্মীৰৰ বিশেষ ৰাজ্যৰ মৰ্যদা বাতিল কৰি কাশ্মীৰ উপত্যকাত এক যুদ্ধ সদৃশ পৰিবেশ সৃষ্টি কৰাৰ কাৰ্যক তীব্ৰ গৰিহণা দিছে কাৰবি আংলঙৰ প্ৰধান বিৰোধী আঞ্চলিক দল অট’নমাছ ষ্টেট ডিমাণ্ড কমিটি চমুকৈ এএছডিচিয়ে ৷
আজি বিয়লি এক সংবাদমেল যোগে এএছডিচিৰ সভাপতি হলিৰাম তেৰাঙে প্ৰতিক্ৰিয়া প্ৰকাশ কৰি কয়যে, যদিহে কেন্দ্ৰীয় চৰকাৰৰ ৰাজ্য পুণৰ গঠনৰ পৰিকল্পনা আছিল তেনে হলে দীৰ্ঘ দিনৰ পৰা পাৰ্বত্য জিলাই ষষ্ঠ অনুসূচীৰ সংবিধান প্ৰদত্ত স্বায়ত্ত ৰাজ্যৰ দাবী কিয় পূৰণ কৰা নহ’ল ?
মাজনিশাৰ ৰাজনীতিৰে নিৰ্বাচিত জন বন্দী কৰি, কাশ্মীৰৰ সাধাৰণ জনতাক বহি: ৰাজ্যৰ পৰা বিচ্ছিন্ন কৰি, অৰ্দ্ধ লক্ষাধিক অতিৰিক্ত নিৰাপত্তা ৰক্ষী মোতায়ন কৰি লুকাই চুৰকৈ বিজেপি নেতৃত্বাধীন কেন্দ্ৰীয় চৰকাৰৰ এনে পদক্ষেপক গৰিহণা দিছে হলিৰাম তেৰাঙে ৷
আনাগত দিনত পাহাৰীয়া ৰাইজক ঐক্যবদ্ধ বাবে স্বায়ত্ত ৰাজ্যৰ বাবে গণতান্ত্ৰিক প্ৰক্ৰিয়াৰে অধিক সক্ৰিয়ভাবে আন্দোলন চলাই নিবলৈ আহ্বান জনায় ৷
