জাপানত অনুষ্ঠিত এছিয়ান গেমছত স্বৰ্ণ পদক লাভ কৰাৰ পিছত মঙলবাৰে জন্মভূমিত পদাৰ্পণ কৰিছে বক্সাৰ লাভলীনা বৰগোহাঁই (Lovlina Borgohain)। লাভলীনাক গুৱাহাটী বিমানবন্দৰত বিপুল আদৰণি জনোৱাৰ লগতে ঢোলে-ডগৰে আদৰি অনা হয়। আনহাতে, অসমকন্যা লাভলীনাই এছিয়ান গেমছত স্বৰ্ণপদক (Gold medal in the Asian Games) লাভ কৰাৰ বাবে চৰকাৰৰ তৰফৰ পৰা বিশেষ উপহাৰ প্ৰদান (Special gift from the Assam Govt.) কৰা হয়।
ৰাজ্য চৰকাৰে লাভলীনাক অতিৰিক্ত আৰক্ষী অধীক্ষক (Additional Superintendent of Police) পদলৈ পদোন্নতি (Promotion) দিয়ে। ইয়াৰ পূৰ্বে তেওঁ অসম আৰক্ষীৰ উপ-আৰক্ষী অধীক্ষক পদত আছিল। লগতে তেওঁক অসম চৰকাৰৰ তৰফৰ পৰা পুৰস্কাৰ হিচাপে ৫০ লাখ টকাৰ চেক প্ৰদান কৰে। মুখ্যমন্ত্ৰী ডঃ হিমন্ত বিশ্ব শৰ্মাই তেওঁ কাৰ্যালয়ত লাভলীনাক এই উপহাৰ প্ৰদান কৰে।
আনহাতে, ৰাজ্য চৰকাৰৰ তৰফৰ পৰা বুধবাৰে তেওঁক আনুষ্ঠানিকভাৱে সম্বৰ্ধনা জনোৱা হয়। ইয়াৰ পূৰ্বে মঙলবাৰে নিশা গুৱাহাটী বিমানবন্দৰত বিভিন্ন দল-সংগঠন তথা অনুৰাগীয়ে তেওঁক আদৰণি জনায়। অসম চৰকাৰৰ হৈ ক্ৰীড়া আৰু যুৱ কল্যাণ মন্ত্ৰী বিশ্বজিৎ দৈমাৰী, ৰাজ্যিক বিজেপিৰ সভাপতি দিলীপ শইকীয়া, কংগ্ৰেছ দল তথা লাভলীনাৰ পৰিয়াল আৰু অনুৰাগীয়ে তেওঁক আদৰণি জনায়। কংগ্ৰেছ দলৰ হৈ প্ৰণতি ফুকনৰ নেতৃত্বত যোৱা প্ৰতিনিধি দলটোৱে তেওঁক আদৰণি জনায়। প্ৰতিনিধি দলটোত কংগ্ৰেছৰ নেতা বিপুল গগৈ, বেদব্ৰত বৰা আদি উপস্থিত থাকে।
