স্বায়ত্ত ৰাজ্যৰ দাবী আৰু বড়ো সকলক পাৰ্বত্য জনজাতি মৰ্যদা দিয়াৰ বিৰুধিতাৰে ডিফুত একাধিক সংগঠনৰ ধৰ্ণা

ASSAM TIMES POST

ডিফু : ভাৰতীয় সংবিধানৰ অনুশ্ছেদ ২৪৪(ক) অনুসৰি স্বায়ত্ত ৰাজ্য দাবী আৰু বড়ো সকলক পাৰ্বত্য জনজাতিৰ মৰ্যদা প্ৰদান কৰাৰ বিৰোধিতাৰে আজি কাৰবি আংলঙৰ সদৰ চহৰ ডিফুত একাধিক সংগঠনে ঐক্যবদ্ধ ভাবে বৃহৎ প্ৰতিবাদী কাৰ্যসূচী ৰূপায়ণ কৰে ৷

আজি ডিফুৰ ছেমছনছিং ইংতি সোঁৱৰণি উদ্যানৰ সন্মুখত কেএছএ,এইছএছডিচি,কেএডব্লিউজেএফ,ইউকেৱাইএ, আৰৱাইএ আৰু আইছা আদি সংগঠনে ধৰ্ণাত অৱস্থান কৰি উক্ত দাবী উত্থাপন কৰাৰ লগতে এই ক্ষেত্ৰত কেন্দ্ৰ আৰু ৰাজ্য চৰকাৰে গ্ৰহন কৰা ভূমিকাৰ কঠোৰ সমালোচনা কৰে ৷

ধৰ্ণা কাৰ্যসুচীত অংশ গ্ৰহণ কৰি কেএছএৰ সভাপতি ছিমিয়ন ৰংফাৰে বিজেপি চৰকাৰক কঠোৰ ভাষাৰে সমালেচনা কৰি কয় যে, নিৰ্বাচনৰ পুৰ্বে কাৰবি আংলঙত বিজেপিৰ ভালেকেইজন শীৰ্ষ নেতাই কাৰবি আংলং আৰু ডিমা হাচাওক সামৰি স্বায়ত্ত ৰাজ্য প্ৰদান কৰাৰ প্ৰতিশ্ৰুতি প্ৰদান কৰিছিল ৷

কাৰবি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙেও সভা -সমিতিয়ে স্বায়ত্ত ৰাজ্যৰ কথা কৈ ফুৰে যদিও বাস্তবত চৰকাৰখেন এই ক্ষেত্ৰত কোনো পদক্ষেপেই গ্ৰহণ নকৰিলে ৷ সদ্য অসম চৰকাৰৰ পাৰ্বত্য এলেকা উন্নয়ণ দপ্তৰৰ পৰা পৰিষদলৈ প্ৰেৰণ কৰা এক পত্ৰত পৰিষদৰ অধিবেশনত স্বায়ত্ত ৰাজ্য সম্পৰ্কীয় আলোচনা নকৰিবলৈ নিৰ্দেশনা প্ৰদান কৰাৰ পিছত ৰাজ্য চৰকাৰে এই সন্দৰ্ভত স্থিতি স্পষ্ট কৰা বুলি মন্তব্য কৰে ৷ সভাই- সমিতিয়ে স্বায়ত্ত ৰাজ্যকলৈ ৰাজনীতি নকৰিবলৈ কৈ ফুৰা মুখ্য কাৰ্যবাহী সদস্য তুলিৰাম ৰংহাঙেহে ৰাজনীতি কৰি আছে বুলি কয় ছাত্ৰনেতা গৰাকীয়ে ৷

পৰিষদে এই ক্ষেত্ৰত কোনো প্ৰস্তাব গ্ৰহণ নকৰিলে বুলি কয় ৷ আনহাতে জিলাখনত দূৰ্নিতী নিৰ্মুল, নিবণুৱা সমস্যাৰ সমাধানকে ধৰি সকলো প্ৰতিশ্ৰুতি কাৰ্যকৰী কৰণত ব্যৰ্থ হোৱা তুলিৰাম ৰংহাঙক শীঘ্ৰে পদত্যাগৰ দাবী কৰে ৷ আনহাতে বড়ো ভাই সকলক লৈ কোনো ক্ষোভনাই যদিও পাৰ্ত্য জিলাত বসবাস কৰা বড়ো সকলক পাৰ্বত্য জনজাতিৰ মৰ্যদা প্ৰদান কৰাৰ সিদ্ধান্ত বাতিল কৰিবলৈ চৰকাৰলৈ দাবী জনায় নেতা গৰাকীয়ে ৷

প্ৰতিবাদকাৰী সকলে লগতে বিজেৰি গ’ বেক, ন’ অট’নমাছ ষ্টেট ন’ ৰেষ্ট, ন’ এছ টি এইছ ষ্টেটাছ টু বড়ো লিভিং ইন হিলছ আদি শ্ল’গান সম্বলিত প্লেকাৰ্ড প্ৰদৰ্শন কৰাৰ লগতে বিভিন্ন শ্ল’গানেৰে পৰিবেশ উত্তাল কৰি তোলে ৷