ডিফু চৰকাৰী মহাবিদ্যালয়ৰ (Diphu Govt. College) ইতিহাস বিভাগৰ (HoD of History Department) মুৰব্বী অধ্যাপক অসীম কলিতাৰ মৃত্যু (Death of Ashim Kalita)। বিগত কিছুদিন ধৰি তেওঁ অসুস্থ হৈ আছিল। ইয়াৰ পিছত তেওঁক উন্নত চিকিৎসাৰ বাবে গুৱাহাটীলৈ নিয়াৰ পথতেই মৃত্যুক সাৱটি লয়। তেওঁৰ নশ্বৰদেহ ডিফুলৈ অনাৰ পিছত ডিফু শ্মশানত অন্ত্যেষ্টিক্রিয়া সম্পন্ন কৰা হব। মৃত্যুৰ সময়ত তেওঁৰ বয়স আছিল ৫৯ বছৰ। প্ৰয়াত অসীম কলিতাই তেওঁৰ পত্নী আৰু দুই পুত্রসহ অসংখ্য গুণমুগ্ধক শোকাহত কৰি গুচি যায়।
ডিফু চহৰৰ বিভিন্ন অনুষ্ঠান-প্রতিষ্ঠান আৰু জিলাখনৰ ক্রীড়া জগতৰ সৈতে সততে জড়িত হৈ থকা প্রয়াত কলিতা ডিফু চহৰবাসীৰ লগতে ছাত্র সমাজৰ মাজতো অতি জনপ্রিয় আছিল। তেওঁৰ মৃত্যুত সমগ্র চহৰখনতে শোকৰ ছাঁ পৰে। শিক্ষাবিদ অসীম কলিতাৰ মৃত্যুতে শোক ব্যক্ত কৰি শোকসন্তপ্ত পৰিয়ালবৰ্গলৈ গভীৰ সমবেদনা জনাইছে কার্বি আংলং স্বায়ত্তশাসিত পৰিষদৰ মুখ্য কার্যবাহী সদস্য তুলিৰাম ৰংহাং, কার্বি আংলং জিলা কংগ্রেছৰ সভাপতি ৰতন ইংতিসহ বহু বিশিষ্ট ব্যক্তি, ডিফু চৰকাৰী মহাবিদ্যালয়ৰ পৰিয়ালবৰ্গ আৰু বিভিন্ন অনুষ্ঠান-প্রতিষ্ঠানে।
