পুনৰ গ্ৰেপ্তাৰ (Re-arrest) হ’ল দিল্লীৰ প্ৰাক্তন স্বাস্থ্যমন্ত্ৰী তথা আম আদমী পাৰ্টীৰ নেতা (Aam Aadmi Party leader) সত্যেন্দ্ৰ জৈন (Satyendra Jain)। মঙলবাৰে দিল্লী জল ব’ৰ্ডৰ (Delhi Water Board) নিবিদাত দুৰ্নীতিৰ (Tender corruption) অভিযোগত তেওঁক গ্ৰেপ্তাৰ কৰা হয়। গ্ৰেপ্তাৰৰ পিছত দিল্লীৰ প্ৰাক্তন মুখ্যমন্ত্ৰী তথা আপ নেতা অৰবিন্দ কেজৰিৱালে বিজেপিক আক্ৰমণৰ লক্ষ্য কৰি লয়। তেওঁ কয় যে বিজেপিয়ে লক্ষ্য কৰি অত্যাচাৰ চলাইছে।
প্ৰায় ১.৫২ কোটি টকাৰ দুৰ্নীতিৰ অভিযোগত সত্যেন্দ্ৰক গ্ৰেপ্তাৰ কৰিছে দুৰ্নীতি বিৰোধী শাখাই। তেওঁৰ বিৰুদ্ধে উৎকোচ, আস্থা ভংগ, প্ৰতাৰণা, ষড়যন্ত্ৰকে ধৰি একাধিক গোচৰত গোচৰ ৰুজু কৰা হৈছে। সত্যেন্দ্ৰৰ লগতে ব’ৰ্ডৰ প্ৰাক্তন মুখ্য কাৰ্যবাহী বিষয়া উদিত প্ৰকাশ ৰায়, প্ৰাক্তন উপদেষ্টা অজিত শ্ৰীবাস্তৱকে ধৰি আন তিনিজনকো গ্ৰেপ্তাৰ কৰা হৈছে।
আপ নেতাগৰাকীক গ্ৰেপ্তাৰক লৈ বিজেপিক লক্ষ্য কৰি মুখ খুলিছে কেজৰিৱালে। তেওঁৰ দাবী যে সত্যেন্দ্ৰক ভুৱা অভিযোগত গ্ৰেপ্তাৰ কৰা হৈছে। এই গোচৰটোও পূৰ্বৰ গোচৰৰ দৰেই মনে সজা। কেজৰিৱালৰ প্ৰশ্ন, ভুৱা অভিযোগত কাৰাবন্দী আৰু মানসিক হাৰাশাস্তিৰ দায়িত্ব কোনে ল’ব? চৰকাৰে সকলো সীমা অতিক্ৰম কৰা বুলি দাবী কৰি দিল্লীৰ প্ৰাক্তন মুখ্যমন্ত্ৰীগৰাকীয়ে দাবী কৰিছে যে এইবাৰ বিজেপিয়ে ক্ষমতা হেৰুৱাব।
ইয়াৰ পূৰ্বে সত্যেন্দ্ৰক হাৱালাৰ জৰিয়তে অবৈধ ধনৰ লেনদেনৰ অভিযোগত ইডিয়ে গ্ৰেপ্তাৰ কৰিছিল। এইবাৰ ২০২৪ চনত দাখিল কৰা জল ব’ৰ্ডৰ নিবিদাত দুৰ্নীতিৰ সৈতে জড়িত গোচৰৰ সৈতে জড়িত কৰি তেওঁক গ্ৰেপ্তাৰ কৰা হয়।
