লোহিত সাগৰত (Red Sea) ভাৰতীয় জাহাজ (Indian ship)ত হোৱা আক্ৰমণক গৰিহণা (Condemn the attack) দিছে নতুন দিল্লীয়ে (New Delhi)। ভাৰতৰ বৈদেশিক পৰিক্ৰমা মন্ত্ৰালয়ে মঙলবাৰে য়েমেনৰ উপকূলত (Coast of Yemen) মালবাহী জাহাজখনত সংঘটিত আক্ৰমণ উদ্বেগজনক বুলি প্ৰকাশ কৰিছে। আমেৰিকা আৰু ইৰাণৰ মাজত সংঘাতৰ মাজতে ভাৰতীয় জাহাজত কেইবাবাৰো আক্ৰমণ কৰা হৈছে। কেতিয়াবা আন দেশৰ জাহাজত থকা ভাৰতীয় নাৱিককো আক্ৰমণ কৰা হৈছে। মৃত্যুও হৈছে বহুতৰে। ভাৰতৰ মতে পশ্চিম এছিয়াৰ অঞ্চলটোত বাৰে বাৰে ঘটি থকা এনে ঘটনা বন্ধ হ’ব লাগিব।
বৈদেশিক পৰিক্ৰমা মন্ত্ৰালয়ে এক বিবৃতিত এই আক্ৰমণৰ বাতৰি প্ৰকাশ কৰিছে। নতুন দিল্লীৰ মতে, “উক্ত অঞ্চলত বাণিজ্যিক জাহাজক লক্ষ্য কৰি লোৱাটো বন্ধ কৰিব লাগিব। আন্তঃৰাষ্ট্ৰীয় আইন অনুসৰি সেই অঞ্চলৰ আন্তঃৰাষ্ট্ৰীয় জলপথৰ মাজেৰে জাহাজসমূহে যাতে মুক্তভাৱে আৰু বাধাহীনভাৱে চলাচল কৰিব পাৰে, সেয়া অতি সোনকালে নিশ্চিত কৰিব লাগিব।” ভাৰতৰ বৈদেশিক পৰিক্ৰমা মন্ত্ৰালয়ৰ মতে, বাণিজ্য চলি থকাটো প্ৰয়োজনীয়।
উল্লেখ্য যে লোহিত সাগৰৰ মাজেৰে পাৰ হৈ যাওঁতে এমএছভি ফৈজনুৰ আউলিয়া (Faize Noore Oliya MSV) নামৰ ভাৰতীয় মালবাহী জাহাজখন (Indian cargo ship)ক ক্ষেপণাস্ত্ৰই আক্ৰমণ (Missile attack) কৰে। এই আক্ৰমণৰ ফলত জাহাজখনৰ যথেষ্ট ক্ষতিসাধন হয়। ডুবিব আৰম্ভ কৰে। জাহাজখনত ১৪ জন নাৱিক আছিল। ইয়াৰে ১৩ জন ভাৰতীয়। জাহাজখনত আক্ৰমণৰ ফলত নাৱিকসকলো পানীত পৰি যায়। বিষয়টো লক্ষ্য কৰাৰ লগে লগে য়েমেনৰ ক’ষ্ট গাৰ্ডে উদ্ধাৰ অভিযান আৰম্ভ কৰে। সকলো নাৱিকক নিৰাপদে উদ্ধাৰ কৰা হয়।
আমেৰিকা আৰু ইৰাণৰ মাজত সংঘাত আৰম্ভ হোৱাৰ পিছৰে পৰা সমগ্ৰ পশ্চিম এছিয়াৰ আন্তঃৰাষ্ট্ৰীয় জলসীমা বিপজ্জনক হৈ পৰিছে। বিশেষকৈ হৰমুজ প্ৰণালীক লৈ সংকটৰ সৃষ্টি হৈছে। ইৰাণে আৰম্ভণিৰে পৰাই দাবী কৰি আহিছে যে হৰমুজৰ ওপৰত তেওঁলোকৰ অধিকাৰ আছে। গতিকে উক্ত প্ৰণালীৰ মাজেৰে কোনো জাহাজ পাৰ হ’লে তেওঁলোকে ‘টোল মাচুল’ দিব লাগিব। শেহতীয়া পৰিস্থিতি অনুসৰি তেহৰানে এতিয়াও হৰমুজৰ দখল বজাই ৰাখিছে। ইৰাণে দাবী কৰিছে যে তেওঁলোকৰ অনুমতি অবিহনে কোনো জাহাজ হৰমুজ প্ৰণালীৰ মাজেৰে পাৰ হ’ব নোৱাৰে। লগতে কয় যে তেওঁলোকে ওমানৰ সৈতে হৰমুজৰ দখলৰ বিষয়ে কথা পাতিছে। কেৱল হৰমুজেই নহয়, লোহিত সাগৰ আৰু কৃষ্ণ সাগৰতো মালবাহী জাহাজক আক্ৰমণ কৰা হৈছে।
য়েমেনৰ সশস্ত্ৰ সংগঠন হুথীয়ে অঞ্চলটোৰ ছৌদি আৰৱৰ বন্দৰত লংগৰ পেলোৱা জাহাজত আক্ৰমণ চলাইছে। ছৌদি আৰৱৰ সৈতে দীৰ্ঘদিনীয়া সংঘাতৰ বাবে এই গোটটোৱে প্ৰায়ে লোহিত সাগৰৰ ফালে ক্ষেপণাস্ত্ৰ নিক্ষেপ কৰে। ছৌদি আৰৱেও প্ৰতিশোধ লয়। মঙলবাৰৰ আক্ৰমণৰ আঁৰত কোন জড়িত আছিল সেয়া অৱশ্যে এতিয়াও স্পষ্ট হোৱা নাই।
