লিঅ’নেল মেছিয়ে বিশ্বকাপৰ ফাইনেলত পৰাস্ত হোৱাৰ পিছতো ২০১৪ চনত সোণালী বল লাভ কৰিছিল। তেওঁ প্ৰতিযোগিতাখনৰ শ্ৰেষ্ঠ ফুটবলাৰ হিচাপে পৰিগণিত হয়। কিন্তু এইবাৰ তেওঁ আমেৰিকাৰ পৰা খালী হাতেৰে উভতিবলগা হ’ল। এটাও বঁটা লাভ কৰা নকৰিলে মেছিয়ে। এইবাৰ স্পেইনে তিনিটা বঁটা লাভ কৰাৰ বিপৰীতে ফ্ৰান্সে লাভ কৰে এটা।
সোণালী বুট
চলিত বিশ্বকাপৰ ফাইনেলৰ পূৰ্বে এমবাপেয়ে একপ্ৰকাৰ সোণালী বুট লাভ কৰাটো খাটাং হৈছিল। এইবাৰ তেওঁ ১০টা গ’ল দিয়াৰ উপৰি চাৰিটাত সহায় কৰে। মেছিযৰ আছিল ৮টা গ’ল আৰু ৪টা সহায়। কিন্তু ফাইনেলত মেছি সফল হ’ব নোৱৰাত এমবাপেয়ে এই ট্ৰফী লাভ কৰে।
সোণালী বল
এইবাৰ ৰড্ৰি বিশ্বকাপৰ শ্ৰেষ্ঠ ফুটবলাৰ হিচাপে পৰিগণিত হয়। ফাইনেলত দলটোক চেম্পিয়নশ্বিপলৈ নেতৃত্ব দি স্পেইনৰ অধিনায়কগৰাকীয়ে এই বঁটা লাভ কৰে। সাধাৰণতে মিডফিল্ডাৰসকলে এই বঁটা প্ৰায় লাভ নকৰে। কিন্তু এইবাৰ ৰড্ৰিয়ে সমগ্ৰ প্ৰতিযোগিতাখন স্পেইনৰ হৈ খেলিছিল। তেওঁ বিশ্বকাপৰ ইতিহাসত সৰ্বাধিক সফল পাছ দিছিল। ৰড্ৰিৰ বাবেই স্পেইনে সুন্দৰ ফুটবল খেলিছিল। গতিকে ৰড্ৰিয়ে এই বঁটা লাভ কৰাৰ যোগ্য।
সোণালী গ্ল’ভছ
এই বঁটাও আগতীয়াকৈ প্ৰায় সাজু হৈছিল। সমগ্ৰ বিশ্বকাপত স্পেইনৰ গ’লৰক্ষক ছিমিওনে মাত্ৰ এটা গ’লহে হেৰুৱাইছে। ইয়াৰ বাহিৰেও কোনো ফুটবলাৰে এবাৰো তেওঁক পৰাস্ত কৰিব পৰা নাই। গোটেই প্ৰতিযোগিতাখনত মাত্ৰ এটা গ’ল খোৱা গ’লৰক্ষকক সোণালী গ্ল’ভছ প্ৰদান কৰাটো একো আচৰিত কথা নহয়।
শ্ৰেষ্ঠ উদীয়মান তাৰকা
মাত্ৰ ১৯ বছৰীয়া এই ফুটবলাৰগৰাকীয়ে স্পেইনৰ ডিফেন্স চম্ভালিছে। ছাইমনোৰ বাবে কম সংগ্ৰাম কৰিবলগীয়া হৈছিল। আক্রমণতো কুবেৰচিয়ে শক্তি বৃদ্ধি কৰিছে৷ ইমান কম বয়সতে দেখুওৱা পৰিপক্ক মানসিকতাৰ বাবেই তেওঁ বিশ্বকাপৰ শ্ৰেষ্ঠ উদীয়মান তাৰকা হিচাপে পৰিগণিত হৈছে।
