ASSAM TIMES POST
পশ্চিম কৰ্বিআংলং : পাৰ্বত্য জিলা পশ্চিম কাৰ্বি আংলঙৰ সদৰ হামৰেণত শুক্ৰবাৰে সংযুক্ত মিকিৰ পাহাৰ আৰু উত্তৰ কাছাৰ পাৰ্বত্য জিলাৰ প্ৰতিষ্ঠাতা ছেমছনছিং ইংতিৰ ৭২ সংখ্যক মৃত্যুবাৰ্ষিকী পালন কৰা হয় ৷ কাৰ্বি আংলং স্বায়ত্ত্বশাসিত পৰিষদৰ হামৰেণ শাখা সচিবালয়ত আয়োজন কৰা এই অনুষ্ঠানত প্ৰথমতে ছেমছনছিং ইংতি প্ৰতিমুৰ্তিত মাল্যাৰ্পণ কৰি বন্তি প্ৰজ্বলন কৰা হয় ৷
অনুষ্ঠানৰ লগত সংগতি ৰাখি আয়োজন কৰা মুকলি সভাত কিম্বদন্তি গৰাকীৰ জীৱনী তথা কৰ্মৰাজিৰ বিষয়ে ভাষণ প্ৰদান কৰা হয় ৷ হামৰেণ শাখা সচিবালয়ত ছেমছনছিং ইংতিৰ ৭২ সংখ্যক মৃত্যুবাৰ্ষিকী পালন কৰা এই অনুষ্ঠানত অতিথি হিচাপে উপস্থিত থাকে বৈঠালাংছ’ সমষ্টিৰ বিধায়ক ডাঃ মানছিং ৰংপি, কাৰ্বি পৰিষদৰ কাৰ্যবাহী সদস্যদ্বয় ক্ৰমে মংগলছিং টিমুং আৰু ৰূপছিং টেৰন, জিলা উপায়ুক্ত চৈয়দ ইস্ফাকুৰ ৰহমান, আৰক্ষী অধীক্ষক ডঃ ৰমনদ্বীপ কৌৰ, বিজেপিৰ জিলা সভাপতি অৰুণ টেৰাঙ, হামৰেণ শাখা সচিবালয়ৰ সচিব সোনাছিং টেৰণৰ লগতে স্থানীয় বিশিষ্ট অতিথিবৃন্দ আৰু একাংশ ৰাইজ উপস্থিত থাকে ৷
