ASSAM TIMES POST
নিউজ ডেস্ক: হৰমনপ্ৰীত কৌৰ নেতৃত্বতাধীন ভাৰতীয় দলে নিউজীলেণ্ডক ৪ ৰানত পৰাস্ত কৰি আই চি চি মহিলা টি-২০ বিশ্ব কাপ ক্ৰিকেটত ছেমিফাইনেলত প্ৰৱেশ কৰিছে৷ বৃহস্পতিবাৰে মেলবৰ্ণত অনুষ্ঠিত খেলত শেফালী বাৰ্মাৰ ৪৬ আৰু তানিয়া ভাটিয়াৰ ২৩ ৰানৰ সহায়ত ভাৰতে ৮ উইকেটত ১৩৩ ৰান সংগ্ৰহ কৰে৷ প্ৰত্যুত্তৰত নিউজীলেণ্ডে ৬ উইকেটত ১২৯ ৰান কৰি পৰাজয় স্বীকাৰ কৰে৷ নিউজীলেণ্ডৰ মাৰ্টিনাই ২৫ আৰু কেৰই অপৰাজিত ৩৪ ৰান কৰে৷ এই জয়ৰ ফলত ভাৰতে আই চি চি মহিলা টি-২০ বিশ্ব কাপ ক্ৰিকেটত ছেমিফাইনেলত প্ৰৱেশ কৰে৷ উল্লেখ্য যে বিশ্ব কাপ ক্ৰিকেটত বিৰাট কোহলিৰ নেতৃত্বতাধীন ভাৰতে নিউজীলেণ্ডৰ হাতত পৰাস্ত হোৱাৰ পোটক ল’লে হৰমনপ্ৰীত কৌৰ নেতৃত্বতাধীন মহিলা ক্ৰিকেটাৰে৷
