অৱশেষত নিজগৃহত উপস্থিত হৈছে আলফা স্বাধীনৰ (ULFA (I)) প্ৰাক্তন মেজৰ জেনেৰেল (Former Major General) অৰুণোদয় অসম (Arunodoi Asom) ওৰফে অৰুণোদয় দহোটীয়া (Arunodoy Dahotiya) ওৰফে বিজিত বৰুৱা (Bijit Barua)। শুকুৰবাৰে তেওঁ পত্নী আৰু দুই সন্তানৰ সৈতে জন্মস্থান চাবুৱাৰ নাদুৱা গোঁহাই গাঁৱত উপস্থিত (Naduwa Gohai village of Chabua) হয়।
উল্লেখ্য যে ২০০১ চনত আলফাত যোগদান কৰা অৰুণোদয় অসমে ২০২৫ চনৰ ২৩ নৱেম্বৰত অৰুণাচল সীমান্তত আত্মসমৰ্পণ কৰিছিল যদিও অসম আৰক্ষীয়ে তেওঁক আত্মগোপন কৰাই ৰাখিছিল। আত্মসমৰ্পণৰ সময়ত তেওঁ আলফা স্বাধীনৰ নিম্ন সদনৰ সাধাৰণ সম্পাদক তথা বিত্ত বিভাগৰ দায়িত্বত আছিল। আলফাত যোগদানৰ সুদীৰ্ঘ ২৮ বছৰৰ পাছত তেওঁ বিপ্লৱী সংগঠনটো ত্যাগ কৰি মূলসুঁতিলৈ ঘূৰি আহে।
আনহাতে, নিজগৃহত উপস্থিত হৈ নিজৰ প্ৰতিক্ৰিয়া প্ৰকাশ কৰি অৰুণোদয় দহোটীয়াই কয় যে ঘৰলৈ আহি ভাল লাগিছে। জীৱনে বিভিন্ন সময়ত বিভিন্ন পথলৈ লৈ যায় যদিও মৰমে ঘৰলৈ উভতাই আনে বুলি তেওঁ উল্লেখ কৰে।
অৱশ্যে আলফা এৰাৰ প্ৰকৃত কাৰণ প্ৰকাশৰ পৰা তেওঁ বিৰত থাকে। আনহাতে, সুদীৰ্ঘ দিনৰ মূৰত ঘৰলৈ ঘূৰি আহি পৰিয়াল আৰু ভাই-বন্ধুক লগ পাই যথেষ্ট ভাললগা বুলি তেওঁ উল্লেখ কৰে। ইফালে আলফা নেতাজন জন্মভূমিত উপস্থিত হোৱাৰ লগে লগে তেওঁৰ ঘৰ আৰু গাঁৱত এক উৎসৱমুখৰ পৰিৱেশৰ সৃষ্টি হয়।
