দেহৰ বৰণ ক’লা হোৱাৰ বাবেই এজন ব্যক্তিক পত্নীয়ে হত্যা (wife killed her husband) কৰে। কেৱল সেয়াই নহয়, পিছত গম পোৱা যায় যে তেওঁৰ দেহৰ ৰংটোৱেই ইয়াৰ একমাত্ৰ কাৰণ নহয়। মহিলাগৰাকীৰ বিবাহবহিৰ্ভূত প্ৰেমত বাধাৰ সৃষ্টি হোৱাত স্বামীক আঁতৰাই পেলোৱাৰো অভিযোগ উত্থাপন হৈছে। ইয়াৰ পিছতে সমগ্ৰ ঘটনাটোক ডকাইতিৰ ৰূপ দিয়াৰ প্ৰয়াস কৰা হয়। কিন্তু শেষ ৰক্ষা নহ’ল। প্ৰেমিকৰ লগত লগ লাগি স্বামীক হত্যা কৰাৰ অভিযোগত মহিলাগৰাকী আৰু প্ৰেমিকক গ্ৰেপ্তাৰ কৰা হয়। মধ্যপ্ৰদেশৰ ধৰ জিলা (Dhar district of Madhya Pradesh)ত সংঘটিত হৈছে এই ঘটনা।
আৰক্ষীয়ে জনোৱা মতে, অভিযুক্ত মহিলাগৰাকীৰ (Accused woman) নাম প্ৰিয়ংকা পুৰোহিত (Priyanka Purohit)। স্বামী দেৱকৃষ্ণ পুৰোহিত (Husband Devakrishna Purohit)ক হত্যা কৰাৰ অভিযোগ (Allegation of murder) তেওঁৰ বিৰুদ্ধে। যোৱা ৭ এপ্ৰিলত দেৱকৃষ্ণৰ অংগচ্ছেদ কৰা মৃতদেহ ঘৰৰ পৰা উদ্ধাৰ হয়। আনহাতে তেওঁলোকৰ ঘৰটোও লণ্ড ভণ্ড হৈ আছিল। প্ৰথম অৱস্থাত প্ৰিয়ংকাই আৰক্ষীৰ আগত দাবী কৰিছিল যে ৰাতি এদল ডকাইত আহি সকলো লুটপাত কৰিছিল। তেওঁলোকে যেতিয়া বাধা দিবলৈ চেষ্টা কৰিছিল, তেতিয়া সিহঁতে দেৱকৃষ্ণক হত্যা কৰে। তেওঁক বান্ধি থয়। ইয়াৰ পিছত তেওঁলোকে গহনা আৰু ধন লুট কৰে। প্ৰিয়ংকাই দাবী কৰে যে ৩.৫০ লাখ টকাৰ গহনা লুট কৰা হৈছে।
কিন্তু প্ৰিয়ংকাৰ কথাত তদন্তকাৰীয়ে কিছু বিসঙ্গতি লক্ষ্য কৰে। ইয়াৰ ভিতৰত দেৱকৃষ্ণৰ পৰিয়ালে আৰক্ষীক জনোৱা মতে, বহুদিন ধৰি স্বামী-স্ত্ৰীৰ মাজত অশান্তিৰ সৃষ্টি হৈ আছিল। দেৱকৃষ্ণৰ ভগ্নীয়ে অভিযোগ কৰে যে ককায়েকক ছালৰ বৰণক লৈ বিভিন্ন ধৰণে হাৰাশাস্তি কৰিছিল বৌৱেকে। আনকি তেওঁ কেতিয়াবা কৈছিল, “তোমাৰ ছালৰ ৰং ক’লা। তুমি মোৰ যোগ্য নহয়। মোৰ বাবে বহুত ভাল ল’ৰা শাৰীত থিয় হৈ আছে। তোমাতকৈ বহু ভাল ল’ৰা মোৰ কপালত থাকিব লাগিছিল।” অভিযোগ অনুসৰি, বৌৱেকে এই বিষয়টোক লৈ প্ৰায় প্ৰতিদিনে অশান্তিৰ সৃষ্টি কৰিছিল।
তদন্তকাৰীয়ে যেতিয়া প্ৰিয়ংকাক সোধা-পোছা কৰিবলৈ আৰম্ভ কৰে তেতিয়া তেওঁলোকে গম পায় যে প্ৰিয়ংকাৰ এজন প্ৰেমিক আছে। নাম কমলেশ পুৰোহিত। তেওঁ ৰাজগড়ৰ বাসিন্দা। আৰক্ষীৰ সূত্ৰ অনুসৰি, দুয়োজনে দেৱকৃষ্ণক পথৰ পৰা আঁতৰ কৰাৰ পৰিকল্পনা কৰিছিল। ইয়াৰ পিছত এক লাখ টকাত হত্যাকাৰীক ভাড়াত লৈছিল। লগতে ৫০ হাজাৰ টকাৰ আগধন দিয়া হয়। ঘটনাৰ নিশা হত্যাকাৰীয়ে দেৱকৃষ্ণৰ ঘৰত প্ৰৱেশ কৰে। তেওঁ আগতীয়াকৈ দুৱাৰখন খোলাকৈ থৈছিল। ফলত ঘৰৰ ভিতৰৰ বাটটো সহজ হৈ পৰে। টোপনিতে দেৱকৃষ্ণক হত্যা কৰা হয়। ইয়াৰ পিছতে হত্যাকাৰীয়ে পলায়ন কৰে। দেৱকৃষ্ণক হত্যা কৰাৰ পিছত প্ৰিয়ংকাই ঘৰৰ মানুহক মাতে। তেওঁলোকক কয় যে ডকাইতি হৈছে আৰু বাধা দিবলৈ যোৱাত দেৱকৃষ্ণক হত্যা কৰা হৈছে। কিন্তু তদন্তৰ সময়ত আৰক্ষীয়ে গম পায় যে প্ৰিয়ংকাই কোৱা গহনা লুট হোৱাৰ কথা সম্পূৰ্ণ মিছা। ঘৰটোৰ পৰাই উদ্ধাৰ কৰা হয় গহনা। ইয়াৰ লগে লগে প্ৰিয়ংকাক গ্ৰেপ্তাৰ কৰা হয়। তেওঁৰ তথ্যৰ ভিত্তিত প্ৰেমিক কমলেশকো গ্ৰেপ্তাৰ কৰা হয়।
