ৰাজ্যসভা (Rajya Sabha)ত আম আদমি পাৰ্টী (AAP)ৰ উপ-নেতা (Dy Leader) পদ হেৰুৱাই দলীয় নেতৃত্বৰ বিৰুদ্ধে সৰৱ হৈ পৰিছে ৰাঘৱ চাদ্দা (Raghav Chadha)। ছ’চিয়েল মিডিয়াত ভিডিঅ’ (Video on social media) বাৰ্তাযোগে তেওঁ আপৰ মুৰব্বী অৰবিন্দ কেজৰিৱাল (AAP leader Arvind Kejriwal)ক প্ৰশ্ন কৰে, “মোক কিয় নীৰৱ কৰিবলৈ চেষ্টা কৰা হৈছে? মই সদায় ৰাইজৰ সমস্যা উত্থাপন কৰি আহিছোঁ। মই কিবা ভুল কৰিছোঁ নেকি?” ৰাঘৱে দলীয় নেতৃত্বক সকীয়াই দিয়ে যে তেওঁক নীৰৱ কৰিও পৰাজিত কৰিব নোৱাৰিব। কেজৰিৱালৰ দলে বৃহস্পতিবাৰে ৰাজ্যসভা সচিবালয়লৈ এখন পত্ৰ প্ৰেৰণ কৰি পঞ্জাৱৰ পৰা ৰাজ্যসভালৈ নিৰ্বাচিত শিক্ষাবিদ অশোক মিট্টালক ৰাঘৱৰ ঠাইত উপ-নেতা হিচাপে নিযুক্তি দিয়াৰ কথা অৱগত কৰিছে।
কেৱল সেয়াই নহয়, কেজৰিৱালৰ দলটোৱে পত্ৰখনত কয় যে আপৰ নিৰ্ধাৰিত সময়ত ৰাঘৱক ভাষণ দিয়াৰ সুযোগো দিয়া নহ’ব। ইয়াৰ পিছতে তেওঁ বিজেপিত যোগদান কৰিব পাৰে বুলি জল্পনা-কল্পনাৰ সৃষ্টি হয়। সেই জল্পনা-কল্পনাক ইন্ধন যোগাই ভিডিঅ’ বাৰ্তাযোগে ৰাঘৱে কয়, “আম আদমী পাৰ্টীয়ে ৰাজ্যসভাক কৈছে যে ৰাঘৱ চাদ্দাক কথা ক’বলৈ দিয়া নহ’ব। কিন্তু কিয়? মই সদায় সাধাৰণ মানুহৰ হৈ কথা কৈ আহিছোঁ। বিমানবন্দৰত খাদ্যৰ উচ্চ মূল্য, টেলিকম কোম্পানীয়ে অতিৰিক্ত ধন লোৱা, টোল প্লাজা আৰু বেংকৰ লুণ্ঠন, গিগ কৰ্মীৰ সমস্যা ইত্যাদি বিভিন্ন বিষয় উত্থাপন কৰাৰ পিছত সাধাৰণ কথাবোৰ উত্থাপন কৰিছোঁ। মানুহ লাভৱান হৈছে। কিন্তু আপৰ কোনো লোকচান হৈছে নেকি?”
