প্ৰধানমন্ত্ৰী নৰেন্দ্ৰ মোদী (Narendra Modi)ৰ এটা ফোনেই ইৰাণ আৰু ইজৰাইল (Iran-Israel Conflict)ৰ সংঘাতৰ অন্ত পেলাব পাৰে। এই কথা ভাৰতীয় সংবাদ মাধ্যমক জনাইছে দেশত থকা প্ৰথমজন আৰৱ আমিৰশ্বাহীৰ ৰাষ্ট্ৰদূত (Ambassador of Arab Emirates) হুছেইন হাছান মিৰ্জা (Hussein Hasan Mirza)ই। ইৰাণ-ইজৰাইল সংঘাতৰ মাজত থকাৰ তেওঁলোকৰ কোনো ইচ্ছা নাই বুলিও তেওঁ কয়। হুছেইনে কয় যে কোনো পক্ষকেই নিজৰ ভূমি ব্যৱহাৰ কৰি ক্ষেপণাস্ত্ৰ নিক্ষেপ কৰিবলৈ দিয়া নহ’ব। এনডিটিভিক দিয়া এক সাক্ষাৎকাৰত হুছেইনে কয়, “সঁচা কথা ক’বলৈ গ’লে আমি এই সংঘাতত কেনেকৈ জড়িত হ’লোঁ সেয়া নিশ্চিত নহয়। ইউ এ ইয়ে এই সংঘাতত জড়িত হোৱাৰ কোনো কাৰণেই নাই।”
উল্লেখযোগ্য যে আবুধাবিৰ ভৌগোলিক অৱস্থান উল্লেখযোগ্য। এফালে তেওঁলোক ইৰাণৰ চুবুৰীয়া দেশ। আনহাতে, আব্ৰাহাম চুক্তিৰ অধীনত ইজৰাইলৰ মিত্ৰ দেশ। সেয়েহে দুয়োখন দেশৰ বাবে ইউ এ ই গুৰুত্বপূৰ্ণ। হুছেইনে কয়, “আমি আমাৰ দুয়োৰে (ইৰাণ আৰু ইজৰাইলৰ) মাজত আলোচনা কৰিব পাৰো।” ইয়াৰ পিছতে হুছেইনে কয় যে সংযুক্ত আৰব আমিৰশ্বাহীকে ধৰি পশ্চিম এছিয়াৰ দেশসমূহৰ নেতাসকলৰ মাজত প্ৰধানমন্ত্ৰী মোদীৰ কিমান প্ৰভাৱ আছে। তেওঁ কয় যে কেৱল ৰাষ্ট্ৰৰ নেতাসকলেই নহয়, অঞ্চলটোৰ বাণিজ্যিক সংগঠনসমূহেও মোদীক সন্মান কৰে। তেওঁ কয়, “মোদীৰ পৰা ইৰাণ আৰু ইজৰাইললৈ এটা ফোন কলে এই সমস্যা সমাধান কৰিব পাৰে। ইয়াৰ অন্ত পৰিব পাৰে। এটা ফোন কলেই যথেষ্ট।” হুছেইন ইয়াৰ পিছত ইৰাণ আৰু ইজৰাইলক এক শক্তিশালী বাৰ্তা প্ৰদান কৰে। তেওঁ কয়, “আমাৰ মাটিত ইজনে সিজনৰ লগত যুঁজি আছে। এইটো গ্ৰহণযোগ্য নহয়।”
উল্লেখযোগ্য যে ২৮ ফেব্ৰুৱাৰীৰ পৰা আমেৰিকা আৰু ইজৰাইলে ইৰাণক আক্ৰমণ কৰি আহিছে। পশ্চিম এছিয়াৰ যিবোৰ দেশত আমেৰিকাৰ ঘাটি আছে, সেইবোৰ দেশত ইৰাণে প্ৰতিশোধ লৈছে। সংযুক্ত আৰব আমিৰশ্বাহীতো ক্ষেপণাস্ত্ৰ আক্ৰমণ চলাইছে। ইয়াৰ ফলত তাত স্বাভাৱিক জনজীৱন বিঘ্নিত হৈছে। সা-সম্পত্তিৰ ক্ষতি হৈছে। সাধাৰণ মানুহ আতংকিত হৈ ঘৰতে আবদ্ধ হৈ পৰিছে। ভাৰতত থকা সংযুক্ত আৰব আমিৰশ্বাহীৰ প্ৰথম ৰাষ্ট্ৰদূতগৰাকীয়ে এই পৰিস্থিতিত মুখ খুলিছে।
