মাওবাদীমুক্ত হ’ল বিহাৰ (Bihar Maoist)। বৃহস্পতিবাৰে মাওবাদীৰ এজন শীৰ্ষ নেতাই আত্মসমৰ্পণ কৰাৰ পিছতে এই দাবী উত্থাপন কৰে ৰাজ্যৰ আৰক্ষীয়ে। আত্মসমৰ্পণ কৰা মাওবাদী নেতা সুৰেশ কোৰা ওৰফে মুস্তাকিম ৰ মূৰৰ দাম আছিল তিনি লাখ টকা।
মুংগেৰৰ বিশেষ টাস্ক ফ’ৰ্চৰ ওচৰত আত্মসমৰ্পণ কৰে। কোৰাৰ বিৰুদ্ধে ৬০টা গোচৰ বিচাৰাধীন হৈ আছে।
ইয়াৰে অধিকাংশই বেআইনী কাৰ্যকলাপ প্ৰতিৰোধ আইন (ইউএপিএ)ৰ অধীনত আছে। আৰক্ষীয়ে জনোৱা মতে, কোৰাই এছ টি এফৰ ওচৰত আত্মসমৰ্পণ কৰে। তেওঁৰ পৰা তিনিটা এছাল্ট ৰাইফল, বহু সংখ্যক কাৰ্টিজ, মেগজিন আৰু নগদ ধন উদ্ধাৰ কৰে।
মাওবাদী প্ৰভাৱিত ৰাজ্যসমূহত আত্মসমৰ্পণ কৰা মাওবাদীসকলৰ বাবে বিভিন্ন পুনৰ্বাসন আঁচনি গ্ৰহণ কৰা হৈছে। বিহাৰত আত্মসমৰ্পণ কৰা মাওবাদীসকলৰ বাবে ‘আত্মসমৰ্পণ আৰু পুনৰ্বাসন আঁচনি’ আছে। আৰক্ষীয়ে জনোৱা মতে, সেই আঁচনিৰ সুবিধা ল’বলৈ কোৰাই আত্মসমৰ্পণ কৰিছে।
কোৰাক দিয়া হ’ব ৩ লাখ টকা। যিটো তেওঁৰ মূৰৰ দাম আছিল। পুনৰ্বাসনৰ বাবেও একে পৰিমাণৰ ধন দিয়া হ’ব। তদুপৰি কোৰাক তিনি বছৰৰ বৃত্তিমূলক প্ৰশিক্ষণৰ বাবে প্ৰতিমাহে অতিৰিক্ত ৫ লাখ, ১০ হাজাৰ টকা প্ৰদান কৰা হ’ব।
বিবৃতিটোত কোৱা হৈছে যে কোৰাৰ আত্মসমৰ্পণৰ পিছত ৰাজ্যখন সম্পূৰ্ণ মাওবাদীমুক্ত হৈ পৰিছে। কেন্দ্ৰীয় গৃহমন্ত্ৰী অমিত শ্বাহে ঘোষণা কৰিছিল যে ২০২৬ চনৰ মাৰ্চ মাহৰ ভিতৰত দেশখন সম্পূৰ্ণৰূপে মাওবাদীমুক্ত হ’ব। বিগত কেইমাহমানৰ পৰা দেশৰ মাওবাদী প্ৰভাৱিত ৰাজ্যসমূহত বহু মাওবাদীয়ে আত্মসমৰ্পণ কৰিছে।
নিৰাপত্তাৰক্ষীৰ সৈতে হোৱা সংঘৰ্ষত বহু শীৰ্ষ মাওবাদী নেতা নিহত হৈছে। দেশখনক মাওবাদীমুক্ত ঘোষণা কৰাৰ সময়সীমা ওচৰ চাপিছে। তাৰ পূৰ্বেই বিহাৰৰ আৰক্ষীয়ে ৰাজ্যখন মাওবাদীমুক্ত বুলি দাবী কৰে।
