দেশৰ জনপ্ৰিয় ৰাজনৈতিক ব্যক্তিত্বৰ পৰা অপৰাধী! মাত্ৰ ১৪ মাহৰ ভিতৰত, দক্ষিণ কোৰিয়া (South Korea)ৰ প্ৰাক্তন ৰাষ্ট্ৰপতি (Ex President) য়ুন চুক ইয়লৰ (Yoon suk Yeol) ভাগ্য সলনি হৈছে। বৃহস্পতিবাৰে দেশখনৰ এখন আদালতে তেওঁক দেশদ্ৰোহৰ অপৰাধত (Crime of treason) যাৱজ্জীৱন কাৰাদণ্ডৰ (Life imprisonment) শাস্তি প্ৰদান কৰে। ইয়নৰ পত্নী কিম কোৱান হিক আগতে উৎকোচ গ্ৰহণ কৰাৰ অপৰাধত দোষী সাব্যস্ত কৰা হৈছিল। তেওঁক ২০ মাহৰ কাৰাদণ্ডৰ শাস্তি দিয়া হৈছে। দক্ষিণ কোৰিয়াৰ ইতিহাসত এয়া প্ৰথমবাৰৰ বাবে এজন প্ৰাক্তন ৰাষ্ট্ৰপতি আৰু তেওঁৰ পত্নীক একেলগে দোষী সাব্যস্ত কৰা হৈছে।
২০২২ চনৰ ১৫ মে’ত ইয়নে দক্ষিণ কোৰিয়াৰ ১৩তম ৰাষ্ট্ৰপতি হিচাপে শপত গ্ৰহণ কৰে। কিন্তু ২০২৪ চনৰ ডিচেম্বৰত, টেলিভিছনৰ এক ভাষণত তেওঁ হঠাতে দেশত সামৰিক আইন প্ৰৱৰ্তন কৰাৰ কথা ঘোষণা কৰিছিল। তেওঁ দাবী কৰিছিল যে “ৰাষ্ট্ৰ বিৰোধী শক্তি”ক দমন কৰাৰ বাহিৰে আন কোনো উপায় নাই। অৱশ্যে, দেশৰ জনসাধাৰণে ইয়নৰ পদক্ষেপক ভালদৰে দেখা নাছিল। দেশৰ বিধানমণ্ডলৰ সদস্যসকলে সেই নিশা সামৰিক আইন জাৰি কৰাৰ সিদ্ধান্ত সলনি কৰিবলৈ ভোট দিছিল। ৬৫ বছৰীয়া কনজাৰভেটিভ নেতাজনক ২০২৫ চনত মহাভিযোগৰ সন্মুখীন কৰা হৈছিল। পৰৱৰ্তী সময়ত তেওঁক গ্ৰেপ্তাৰ কৰা হৈছিল। প্ৰাক্তন ৰাষ্ট্ৰপতিজনৰ বিৰুদ্ধে ৰাষ্ট্ৰদ্ৰোহ, আইনী প্ৰক্ৰিয়াত বাধা দিয়া আৰু বহুতোৰ অভিযোগ উত্থাপিত হৈছে। আদালতে তেওঁক দোষী সাব্যস্ত কৰিছিল।
