এয়াৰ ইণ্ডিয়াক (Air India) অনুমতি অবিহনে ৮বাৰকৈ এয়াৰবাছ উৰণৰ দোষী সাব্যস্ত কৰা হৈছে। ইয়াৰ বাবে অসামৰিক বিমান পৰিবহণ সঞ্চালকালয়ে টাটা গ্ৰুপ আৰু ছিংগাপুৰ এয়াৰলাইন্স পৰিচালিত বিমান সংস্থাটোক ১১.৩৫ মিলিয়ন ডলাৰ (প্ৰায় ১ কোটি টকা) জৰিমনা বিহিছে। ভাৰতৰ অসামৰিক বিমান পৰিবহণ কৰ্তৃপক্ষই কয় যে এয়াৰ ইণ্ডিয়াৰ এই কাৰ্যই সাধাৰণ জনতাৰ আস্থা ভংগ কৰিছে।
২৪ আৰু ২৫ নৱেম্বৰত নতুন দিল্লী, বেংগালুৰু আৰু মুম্বাইৰ মাজত এখন এয়াৰবাছ চলাচল কৰিছিল। কিন্তু তেওঁলোকে প্ৰয়োজনীয় ক্লিয়াৰেন্স বা ‘এয়াৰৱৰ্থিনেছ ৰিভিউ চাৰ্টিফিকেট’ৰ (এ আৰ চি) প্ৰতি গুৰুত্ব নিদিলে। বিমানখনে সুৰক্ষা আৰু অনুসৰণ পৰীক্ষাত উত্তীৰ্ণ হোৱাৰ পিছত নিয়ন্ত্ৰণকাৰী সংস্থাই সংশ্লিষ্ট প্ৰমাণপত্ৰ প্ৰদান কৰে।
ইয়াক বছৰি জাৰি কৰা হয়। ৰয়টাৰৰ মতে, ৫ ফেব্ৰুৱাৰীত ডি জি চি এয়ে জাৰি কৰা গোপন জৰিমনা এয়াৰ ইণ্ডিয়াৰ চি ই অ’ কেম্পবেল উইলছনক জাৰি কৰি কয়, “এই ঘটনাই জনসাধাৰণৰ আস্থা ভংগ কৰিছে আৰু কোম্পানীটোৰ সুৰক্ষাৰ অভিলেখত বিৰূপ প্ৰভাৱ পেলাইছে।”
সমগ্ৰ ঘটনাৰ বাবে এয়াৰ ইণ্ডিয়াই মেনেজাৰক দোষাৰোপ কৰে। এয়াৰ ইণ্ডিয়াই এয়াৰবাছৰ কাণ্ডৰ আভ্যন্তৰীণ তদন্তত পাইলটসকল দায়ী বুলি জানিব পৰা গৈছে আৰু আঠবাৰকৈ বিমানখন উৰুৱাওঁতে প্ৰয়োজনীয় পদ্ধতিসমূহ মানি চলা হোৱা নাছিল বুলি স্বীকাৰ কৰিছে। এইবাৰ এয়াৰ ইণ্ডিয়াক ৩০ দিনৰ ভিতৰত এই জৰিমনা আদায় দিবলৈ কোৱা হয়।
